[A:115]cir mi 'byon thabs med du gyur par brten/ slar yang dpal ldan sa skyar skor tsam byon te/ bdag chen 'jam pa'i dbyangs yab sras rnams kyi gser zhal mjal ba sogs zhib par mdzad nas ngor du byon/ phebs chas kyi skor rnams nyer bsdogs mdzad pa dang / dkon mchog la mchod 'bul dang / chos srung la skong phrin dang / lha bsang sogs mdzad pa dang / gzhan yang chos dang zang zing gi gnang cha dang / lugs gnyis kyi zhal ta sogs gang la gang dgos rnams stsal te/ dgung lo zhe bzhir son pa rnam byung gi lo'i hor zla drug pa'i tshes gsum gyi nyin dpal e wa~M chos ldan nas chibs skyel gyi tshogs rgya che ba dang bcas te chibs bteg /bkris lhun du paN chen thams cad mkhyen par mjal phyag zhu ba sogs zhib par mdzad/ de skabs mgul cham lta bus sku khams ma bde ba phran bu zhig byung ba/ rim gyis bsnyun tshabs je lcir song ste 'u yug tu zla ba gcig tsam 'gor/ de nas bsnyun gdangs te lha ldan du byon/ rgyal dbang thams cad mkhyen pa lung rtogs rgya mtsho dang / mtshungs bral srid skyong rin po che sogs su mjal phyag zhu ba sogs mdzad/ de skabs dos gtong nyes lta bus mi ser rnams dang / u tshe tshe ring dar rgyas gnyis zlos gzhi cung zad byung ba'i rkyen gyis zla gcig tsam thogs/ de nas rim gyis byon te nag chur phebs pa na/ bar chad kyi rnam pas kha char drag po nyin grangs mang po'i bar du rgyun chad med par nyin mtshan sbrel te babs pa dang / rje 'di'ang zhabs 'bam lta bu'i bsnyun gzhi tshabs chen zhig gis sku ltem par brten/ der yang zla ba gnyis tsam 'gor/ kha char gyis mi zog kha shas lnga pa'i lam du gyur/ gzhan rnams grang reg gis kha zas za ba tsam yang mi 'ong ba la/ rje 'di ni bskal pa dpag tu med pa