[A:119]po stsal te 'gro ba phal cher sangs rgyas kyi bstan pa'i sgor bcug pa dang / gzhan rnams kyang thar pa dang / thams cad mkhyen pa'i lam la gnas par mdzad/ de skabs shig tu 'brog pa zhig gis gdan 'dren zhus par byon/ de nyin khrom chu ha cang rgyas ches pas zhabs 'bring pa rnams kyis do nub 'dir bzhugs na legs tshul zhus par/ ci'ang mi gnod pa'i tshul gsungs nas der ma bzhugs par phebs/ khrom chu shin tu rgyas pas zhabs 'bring pa rnams ci bya gtol med du gyur pa na/ rje 'dis de tsam 'jigs mi dgos gsungs pa dang / khrom chu gyen la bzlog ste/ de'i shul du lam skya thal le ba zhig byung ba'i steng nas rje 'di dpon 'khor rnams phebs/ pha rol tu byon grub pa na chu sngar bzhin du babs pas/ zhabs 'bring ba rnams kyis rje 'di la dus rgyun du yon tan sbas pa'i ngang tshul kho nas 'di 'dra gtan nas mi mdzad pa la/ da lan gyi grub pa'i mtshan ma 'di 'dra rnal 'byor gyi dbang phyug bi rU pa dang khyad par ci'ang ma mchis pa'i tshul zhus pas/ nga la de 'dra ba'i nus pa ci'ang med/ chos skyong ba'i srung ma rnams kyis phrin las 'dra bsgrubs pa yin mod/ 'di 'dra byung tshul su la'ang ma zer gsungs nas bka' rgya dam po btab par mdzad ces skye bo re gnyis kyi ngag las kyang thos shing / phyogs de'i gdul bya dad pa yang dag pa dang ldan pa rnams la ni da lta'ang gtam du grags par snang la/ gzhan yang khrom thar du pha wong zhig la rten thug btsugs pa'i rjes deng sang yang thams cad kyis mjal rgyu yod ces zer/ gang ltar yang de lo hor zla bdun pa'i nang chos rgyal chen po dbon 'khor rnams kyang bod nas mar dbu thon gang legs kyis