[A:121]rgyal rin po che dbyar gzigs su phebs pa'i sku'i rkyen sel sgrub par byon te/ hor zla dgu pa'i nang mchod yon lhan rgyas par dpal ldan lhun grub steng gi rgyal khab tu phebs so/ /de rnams kyi gnas skabs kun tu'ang chos dang 'jig rten gnyis ka'i sgo nas sa lugs kyi dgon sde thams cad la mgo 'don dpyis phyin par mdzad pa dang / gzhan yang gdul bya so so'i mos pa'i bye brag gi rdzing bu dang mthun par/ theg pa gsum gyi chos kyi zla snang rgyun chad med par spros te/ skal ba dang ldan pa rnams kyi rnam par grol ba'i ku mu dA ches cher rgyas par mdzad pa sogs mdor na bod chen po'i ljongs su thub pa'i bstan pa spyi dang bye brag thams cad dbyar gyi ljon shing bzhin shin tu rgyas par mdzad pa yin no/ /rang gi don du legs bris kyi/ /bde ba'ang dug ltar rab gzigs shing / /gzhan phyir dka' ba brgya phrag kyang / /bdud rtsi bzhin du dang du blangs/ /rgyu'o dri bzang khang pa na/ /yid 'ong sbrang rtsi'i bu rnams te/ /mtha' klas gdul bya'i don du yang / /'jig rten kun gyi mgon de'o/ /e ma chos kyi sgron me yis/ /thar pa'i lam bzang gsal byas te/ /'gro kun sangs rgyas sar 'khrid par/ /khyod dang rgyal la khyad par ci/ /pha mtha' dang bral thams cad la/ /rtag par phan pa mdzad pa gang / /mandA ra dang zla bas kyang / /cha shas tsam yang 'gran par dka'/ /sgrib gnyis sprin gyis bsgribs min pa'i/ /ye shes me lces bden zhen bsregs/ /dus gsum kun tu bdud dpung btul/ /'gro tshogs mos ngor chos 'khor bskor/ /sra mkhregs brag gi ngos yangs bor/ /rdzas kyi phur pa rab btab pas/ /dpung dang bcas pa'i yid srubs kyi/ /snying la 'chi ba'i 'jigs pa byin/ /rba rlabs