[A:126]drag po bcad pa la sogs pa'i tshe'ang zhu ngo sogs gang cir rang don las lhag tsam re mdzad pa dang / rgyun du'ang sku zil che ba tsam las/ bka' bkyon sogs tshig gcig kyang gsung ba ma thos zhes zhabs 'bring pa thams cad kyi ngag las 'byung zhing / mdor na byang chub sems dpa'i sde snod rnams nas bshad pa'i nyes byas phra zhing phra bas kyang ma gos pa yin no/ /khyad par gsang sngags rdo rje theg pa'i smin byed kyi dbang bskur ba nos pa nas brtsams te/ mnyam rjes bza' bsrung mi 'bral ba'i dam tshig rnams la nan tan du mdzad pa'i stobs kyis nyes ltung gi dri ma phra mos kyang nam yang reg par mi 'gyur zhing / de'i ngang nas thugs dam gyi rim pa'ang gtso bor mnyam rjes med par spros med kyi rnal 'byor lta ba 'khor 'das dbyer med kho na la mdzad cing / spros bcas kyi rnal 'byor yang dus rgyun par nyin zhag phrugs re la/ lam zab mo bla ma'i rnal 'byor/ dpal kye rdo rje'i phyi nang sbrags ma'i mngon rtogs lam dus kyi dbang rgyas par blang ba dang bcas pa thun gnyis su mdzad pa'i thun re la rtsa sngags brgya skor las mi nyung ba dang / rnal 'byor dbang phyug gi srung ba thun mong ba/ nA ro mkha' spyod ma'i nyams len thun mong ma yin pa ste sa skya pa'i chag med bzhi dang / 'jam dkar/ kun rig /sgrol dkar/ rnam rgyal ma/ tshe dpag med lha dgu/ nor rgyun ma/ mgon dkar/ 'jigs byed/ 'byung 'dul/ brag rdzong ma rnams kyi mngon rtogs bzlas pa dang bcas pa/ spyan ras gzigs kyi bdag bskyed sngon du 'gro ba'i sgo nas dzam ser nag gi chu sbyin/ gtor ma brgya rtsa/ dbyug gu drug cu rtsa bzhi/ yi dwags la chu sbyin dang bcas pa/ kye rdor/ mkha' spyod/ 'jigs byed/ 'byung 'dul/ mgon dkar/ rigs byed ma/