[A:125] na bza' bzhes tshul tshun chad kyang mi legs pa mi mnga'/ mdor na sku gsung thugs kyi dbang po dul zhing zhi la bag dang ldan pa dang / spyod lam thams cad mdzes shing brjid chags pa dang / gang du bzhugs pa'i sa phyogs thams cad gtsang zhing yid du 'ong ba dang / sku lus las tshul khrims kyi dri bsung zhim po 'thul ba sogs ni thams cad la mngon sum tshad mas grub cing / de dus kyi dbus gtsang khams gsum na sku btsun pa'i mthar thug par grags/ dus rgyun gyi sku 'khor ba rnams kyis kyang mdzad spyod che phra gang la'ang skyon spu tsam zhig gdags su med pa'i khar/ nyin re bzhin dad pa dbang med du 'phel ba kho nar gyur/ gzhan dag la'ang lam gyi rtsa ba dam tshig dang sdom pa yin pas srung sdom tshul bzhin du bya dgos zhes nan tan chen pos 'doms par mdzad cing / de la brten nas zhabs 'bring ba rnams kyang mkhas btsun bzang gsum 'dzom pa sha stag yod pa yin no/ /der ma zad theg pa chen po'i sems bskyed kyi sdom pa gsan nas bzung ste bdag bas gzhan gces kyi rtogs pa bcos ma ma yin pa thugs rgyud la mnga' zhing / de'i stobs kyis gzhan la phan gang thogs mdzad pa las/ gnod pa'i rigs til 'bru tsam yang mi mdzad de dper mtshon na/ khams su bzhugs skabs rta gcig rkun mas khrid song bas/ phyag mdzod pas rtsad bcad pas chod de/ rje 'di la ci byed kyi bka' 'dri zhus par/ da phyin rku mi byed pa'i dam bca' byed du chug /de bzhin byas tshe rta kho rang la phar sprod/ de'i steng du ja 'khor gcig sprod gsungs pa ltar phyag mdzod pas kyang de bzhin byas pa dang / chos rgyal mchog nas gzhan dag la bka' yi chad pa