[A:128]mthar phyin pa'i rtags su/ gong du smos pa bzhin du chu bo gyen la bzlog pa dang / brag la phur pa btab pa sogs skal ba dang ldan pa rnams kyi ngor snang ba'i grub pa'i mtshan ma de dag ni 'phags yul gyi grub pa'i slob dpon rnams dang khyad par ci'ang ma mchis/ dus rgyun du gzhan dag gis brtag pa zhus pa dang / skabs 'gar thol byung lta bur gsung sgros tshig re gnyis gsungs pa rnams ni rjes sor de kho na ltar las 'pho 'gyur cung zad kyang mi 'byung / de tsam las dus rgyun mngon shes kyi gsung sgros lta bu tshig gcig kyang mi mdzad pa la rjes sor zhing la phebs nye ba'i skabs/ 'ba' dbon kun dga' ye shes pa la/ nged tshe snga ma rnams su ngor gyi bla ma gnyis tsam gyi skye ba blangs/ byang chub gling du dwags po bka' brgyud pa'i ring lugs 'dzin pa'i bla ma zhig tu skyes/ rdor brag tu'ang gsang sngags snga 'gyur ba'i ring lugs 'dzin pa'i bla ma zhig tu skyes 'dug ces gsungs snang bas 'das ma 'ongs da lta ste dus gsum thams cad mkhyen pa'i mngon shes thogs med du mnga' ba gor ma chag /chos skyong ba'i srung ma rnams kyis kyang ji ltar bzhed pa'i don mtha' dag 'bad med du sgrub par mngon te/ khrom thar du phebs skabs sbyin bdag 'brog pa zhig gi dud 'gro thams cad dgras ded song bar/ rje 'di la skyabs 'jug zhus te 'brog pa de ra mda' la song / de nyin zhabs 'bring pa rnams kyis da lan rin po che nas rtags thon pa zhig cis kyang mdzad dgos tshul zhus pas/ rje'i zhal nas/ phan tshun gnyis ka'i mi rta su la'ang skyon med pa'i khar/ dud 'gro rnams tshur lon pa zhig byung na des chog par 'dug gsungs shing / de nyid chos srung rnams la skong ba zhig