[A:129]mdzad/ de nub ra mda' ba rnams kyis dud 'gro tshang ma ded nas sleb byung bar/ phan tshun gnyis char gyi mi rta su la'ang skyon ma byung tshul zer ba sogs de 'dra'i rigs can mang du yod par snang / dus rgyun du bka' bkyon sogs gtan nas mi mdzad kyang / sku shin tu zil che bas/ chos rgyal chen pos dbus drag zhan su sku mdun du bcar kyang / rtab rtab por mi 'gyur ba su yang ma mchis pas/ thams cad kyis chos skyong mngon sum du 'khor bar gdon mi za'o/ /zhes gleng bar byed do/ /mdor na bdag nyid chen po 'di'i sku gsung thugs kyi yon tan mtha' dag phyogs bcu'i rgyal ba sras dang bcas pa rnams kyi spyod yul kho na las/ byis pa so so skye bo rnams kyis ni rnam thar gyi cha shas tsam yang rtogs par nus pa ma yin no/ /don 'di rnams la brten nas sdom brtson skye dgu'i bdag po mchog gis mdzad pa'i gsol 'debs las kyang / rang gzhan grub mtha' shes bya'i gnas mtha' dag /bde blag nyid rtogs brjed med dran pa dang / /spobs pa phul gyur sgrub dang sun 'byin pa'i/ /mkhyen rab rmad byung mkhas pa chen por 'dud/ /ngo bo gzhan gnod gzhir bcas spang sde lnga/ /char gtogs bcas kyis ma gos tshul khrims dris/ /yid 'phrog dad pa 'phel mdzad gnas brtan che/ /'dul 'dzin btsun pa'i yang rtse de la 'dud/ /sems can ngan song skyes dang sdug bsngal gyis/ /nyam thag dag la snying rje'i spyan gyis gzigs/ /khro ba mi mnga' bdag bas gzhan gces kyi/ /thugs can byams mgon bzang po de la 'dud/ /gsang sngags dbang bzhi'i mnyam rjes bza' bsrung dang / /mi 'bral dam tshig dri bral