[A:140]'chi bar 'dug gi gsungs shing / cung zad tsam nas rten gyi drung du mar me zhig sbar yod pa/ de mdun du khyer shog gsungs te/ de la phyag mdzub bstan tsam re mdzad de/ de ma thag rlung dang byang chub kyi sems thams cad rtsa dbu ma'i lam du bcug ste/ re zhig gzugs sku'i bkod pa chos kyi dbyings su bsdu ba'i tshul bstan nas rnam kun mchog ldan gyi stong pa nyid dang / mchog tu mi 'gyur ba'i bde ba chen po gnyis zung du 'jug pa'i 'od gsal phyag rgya chen po'i ngang du mnyam par bzhag par gyur to/ /de'i tshe nam mkha' shin tu dngas pa la/ kha dog sna tshogs pa'i 'ja'i ri mos mdzes par 'khyud pa sogs ngo mtshar ba'i ltas kyang mang du byung bar snang ngo / /de nas zhag brgyad song ba lcags 'brug hor zla dang po'i tshes nyer brgyad kyi nub mo dbon rin po che rnal 'byor 'jam dpal bzang po'i mnal lam du rje de nyid byon nas/ da nga thugs dam las grol ba yin no gsungs pa zhig byung 'dug pas/ slar yang 'od gsal gyi ngang nas zung 'jug gi skur bzhengs te/ dpa' bo dang rnal 'byor ma bsam gyis mi khyab pas mdun nas bsus/ 'jig rten skyong ba rnams kyis zhabs nas bteg ste/ sangs rgyas dang byang chub sems dpa'i tshogs dang lhan cig tu bde ba can gyi zhing khams su gshegs par mngon te/ zhal slob dad pa can 'ga' zhig gi dag snang du/ rje 'di seng ge dkar mo zhig la chibs te/ rdo rje'i tshig 'ga' gsung bzhin du nub phyogs su gshegs pa mngon sum du mthong ba'i phyir ro/ /rigs ldan chos rgyal chen pos mdzad pa'i gsol 'debs las kyang / gdan gsum mtshan dpe'i zhal mjal skyabs sbyin phyag /bdag gi gtsug tu bkod tshe byang chub bar/ /rjes 'dzin gsol btab dgyes pas zhal gyis bzhes/ /gdung rten yid bzhin nor bu stsal der 'dud/ /rje dbon mchog la bka' slob mthar phyin