[A:145]zab dgongs chos kyi dbyings kyi rgya mtsho chen po yongs su 'gengs par mdzad do/ /de tsam du ma zad dbus gtsang dag pa'i zhing du dgongs rdzogs ji ltar bsgrubs pa'i tshul rnams ni/ bdag gi bla ma rdo rje 'chang rnal 'byor 'jam dpal bzang po'i rtogs brjod kyi skabs su bshad par 'gyur bas der rtogs par bya'o/ /de ltar chos kyi rje 'di nyid zhing 'di'i mdzad pa re zhig rdzogs te yongs su mya ngan las 'da' ba'i tshul bstan kyang / slar yang 'khor ba ji srid gnas pa de srid du gdul bya gang la gang gis 'dul bar 'gyur ba de dang de'i rnam pas sems can gyi don 'bad med lhun grub tu 'byung ba yin te/ de'ang sngon slob pa lam gyi gnas skabs su yid can mtha' dag 'khor ba las sgrol bar dam bcas pa'i thugs bskyed kyi go cha btsan po rab tu bgos pa'i gzhan dbang dang / der ma zad rang gis legs par thob pa'i byang chub chen po dang / sems can gyi dbyings rang bzhin gyis dag pa gnyis la khyad par ci'ang med par gzigs pas phrin las don yod pa la sogs pa rab tu mkhyen pa'i phyir tshad med pa'i thugs rje chen pos mu mthas dben pa'i 'gro ba rnams kyi las kyi sgrib pa bag chags dang bcas pa yongs su gzhom par ma gyur gyi bar du mchog dang mchog ma yin pa'i sprul pa sna tshogs pa'i sgo nas phrin las kyi 'jug pa'ang rdzogs par mi 'gyur ba ni rgyal ba rnams kyi chos nyid yin te/ rgyud bla ma las/ gzhan gyi dbang gis nges 'byung dang / /bdag dang sems can mtshungs gzigs dang / /mdzad pa yongs su ma rdzogs phyir/ /'khor ba srid du mdzad mi 'chad/ /ces dang / rdo rje gur las/ gdul ba'i sems can mthong nas ni/ /'di yi gzugs ni du mar byed/ /sangs rgyas sems can skyabs bzhed pas/ /sangs rgyas gar ni rol bar mdzad/ /ces sogs rgya cher gsungs pa'i phyir ro/ /'gro blo chad pa'i