[A:144]bkur phun sum tshogs pa dang / khyad par zhag bdun re'i mtshams su dgon chen rang du bzhugs pa'i shar nub kyi bla ma gnyis dang / zhu dag sprul sku/ rong po bla ma/ sa skya bla ma/ rdo rje 'dzin pa ngag dbang chos 'byor rnams dang / gling mgo zi dgon nas khang gsar zhabs drung rin po che ngag dbang blo gros rgyal mtshan pa'ang bdun bzhi pa'i steng du spyan drangs pa bcas/ gang ltar bdun re re'i steng du gong du bshad pa'i bla ma re re dbur bzhugs pa'i dge slong sum cu tsam gyis kun rig gi cho ga mdzad par bla ma so sor 'bul ba shin tu zab pa dang / dge 'dun rnams la gral 'gyed sogs bsnyen bkur phul du son pa dang / lhun grub steng rang du bzhugs pa'i bla ma chos rje yod rigs la bsngo smon gyi rten zab pa dang / dgon de'i gtsug lag khang du dge 'dun yod rigs kyis kun rig cho ga nyin kha shas gsungs par yon 'bul sogs bsnyen bkur stobs che ba dang / gzhan yang chos rgyal chen po'i mnga' 'og tu gtogs pa'i sa dgon yod do cog la dgongs rdzogs sgrub pa'i rten zab pa dang / dpal spungs/ rdzogs chen/ ze chen/ kaHthog /dpal yul sogs ris med kyi dgon khag so sor mang ja 'gyed bcas/ de dag gi bla ma che gras rnams su rgya dngul rdo tshad re'i mgo gtad dang / chung gras rnams su rgya dngul thur srang nyer lnga res mgo byas pa'i 'bul ba sogs zab pa dang / 'dra sku dang gdung rten mi dgos zhes gsungs na'ang dad pa'i rten du rin chen gnyis pa thur srang dgu bcu las grub pa'i mchod rten bkra shis sgo mang dang / gser zangs las grub pa'i 'dra sku khru gang lhag tsam dang / zhal chems su yod pa'i yi dam gyi lha bcu gnyis kyi sku brnyan gser zangs las grub pa khru gang cung med tsam re bzhengs pa sogs mdor na rnam par dkar ba'i phrin las kyi chu klung mang pos