[A:14]bo/ thar pa 'dod pa rnams kyi 'dren pa/ lam du zhugs pa rnams kyi ded dpon/ lha dang bcas pa'i che dgu kun gyis zhabs kyi padmo spyi bor len pa/ phyi'i kun spyod thams cad 'dul ba dang mthun zhing bcas rang gi nyes pa phra zhing phra bas kyang ma reg pa'i dgra bcom pa chen po/ nang du stong pa dang snying rje gnyis su med pas 'gro ba rnams la bu gcig pa ltar brtse ba'i rgyal sras byang chub sems dpa' chen po/ gsang ba ltar na rigs thams cad dang dkyil 'khor kun gyi khyab bdag dpal ldan rdo rje sems dpa' dang dbyer ma mchis pa/ sku'i dkyil 'khor mthong ba tsam gyis srid zhi'i rgud pa mtha' dag sel bar nus pa/ gsung gi gsang ba rmad du byung bas zab pa dang rgya che ba'i chos kyi gru char rtag tu 'bebs pa/ thugs ji lta ba dang ji snyed pa mkhyen pa'i ye shes kyis chos dang chos ma yin pa rnam par 'byed pa/ lhun gyis grub cing rgyun mi 'chad pa'i phrin las phun sum tshogs pas 'gro ba rnams smin grol la 'god par mdzad pa/ 'jig rten dang 'jig rten las 'das pa'i yon tan rin po che ma lus pa'i mdzod 'dzin pa/ mkhan chen thams cad mkhyen cing gzigs pa chen po byams pa nam mkha' 'chi med khu dbon gsum gyi rnam par thar pa ma lus pa ni/ phyogs bcu'i rgyal ba sras dang bcas pa rnams kyis kyang brjod par dka' na/ bdag lta bu blo gros kyi mthu chung zhing ma rig pa'i khung bur tshud pa'i skye bo rnams kyis ni cha shas tsam yang bsnyad par lta ga la zhig ste/ 'di ni nges pa don gyi dbang du byas na bskal pa dpag tu med pa'i sngon rol du mngon par byang chub pa lnga'i tshul gyis chos kyi sku dang gzugs kyi sku gnyis su med pa'i bdag nyid can gyi mngon