[A:15]par rdzogs par sangs rgyas su zin kyang / sngon gyi smon lam dang / 'gro ba rnams la rjes su brtse ba'i bdud rtsi'i chu rgyun gyis yang dang yang du bkrus pa'i sgrib bral rnam par dag pa'i ye shes kyi spyan gyis nyin mtshan gyi ris dang bar med par sems can su zhig ni dar/ su zhig ni rgud/ su zhig ni 'dren pa'i dus la bab/ ces yang dang yang du gzigs te zhing yongs su dag pa rnams su longs spyod rdzogs pa'i tshul dang / ma dag pa'i zhing khams rnams su yang sangs rgyas kyis 'dul ba la sangs rgyas dang / byang chub sems dpas 'dul pa la byang chub sems dpa' dang / de bzhin du rang sangs rgyas dang / nyan thos dang / so so skye bos 'dul ba la de dag so so'i rnam par rol pa du ma dang / gzhan yang ri bong dang / stag dang / seng ge dang / gru dang / gzings dang / zam pa la sogs pa mdor na sems can gang la gang gis 'dul ba la de dang rjes su mthun pa'i sprul pa dpag tu med pas lus can mtha' dag phan pa dang bde ba'i lam du 'god par mdzad pa yin te/ sangs rgyas kyi stobs bskyed pa cho 'phrul rnam par bstan pa zhes bya ba'i mdo las/ kye rgyal ba'i bu dag de bzhin gshegs pa'i thabs mkhas pa dang / sems can yongs su smin par bya ba ni mang ngo / /sems can rnams kyi bsam pa ji lta bu dang / ji ltar 'dul ba dang / dge ba'i rtsa ba ji lta bu dang / sems can rnams kyi mos pa sna tshogs kyi spyod pa mkhyen nas chos ston te/ sems can kha cig ni byang chub sems dpas 'dul/ kha cig ni nyan thos kyis 'dul/ kha cig ni rang sangs rgyas kyis 'dul/ kha cig ni lhas 'dul/ kha cig ni brgya byin gyis 'dul/ kha cig ni tshangs