[A:16]pas 'dul/ kha cig ni klus 'dul/ kha cig ni rdzu 'phrul chen pos 'dul/ kha cig ni rgyal pos 'dul/ kha cig ni ting nge 'dzin gyis 'dul/ kha cig ni chos nyan pas 'dul/ kha cig ni cho 'phrul gyis 'dul/ kha cig ni de bzhin gshegs pa mya ngan las 'da' bas 'dul/ kha cig ni ring bsrel gyis 'dul zhes bya ba la sogs pa dang / yang mdo de nyid las/ kye rgyal ba'i sras dag /de bzhin gshegs pa sdug bsngal rnam pa sna tshogs kyis bsgribs pa'i sems can rnams dang / khams sna tshogs kyis 'dul ba'i sems can rnams kyi spyod pa mkhyen nas yongs su mya ngan las 'da' ba yang ston/ skye ba yang ston/ 'khor los sgyur ba'i rgyal po yang ston/ rtse ba dang / dga' ba dang / bud med kyi bzhad gad dang / ku re dang / dri dang / phreng ba dang / dga' zhing rtse ba yang ston/ khyim nas 'byung ba dang / rab tu byung ba dang / dka' ba spyad pa rnams kyang ston/ bdud btul ba dang / chos kyi 'khor lo bskor ba nas/ chos kyi sprin chen po'i char phab pas sems can rnams tshim par byed pa'i bar du yang ston te/ de bzhin gshegs pa rnams yongs su mya ngan las 'das kyang sbyor ba sna tshogs kyis ring bsrel mchod pa dang / mchod rten dang / gtsug lag khang dang / sku gzugs byed du gzhug pa dang / rab tu byung ba'i phyir khyim nas byung ba dang / dge slong gi dge 'dun rnams mchod pa dang / dam pa'i chos 'dri ba dang / bklag pa dang / kha ton du bya ba la spro ba skyed pa dag gis kyang sems can thams cad thar par mdzad/ /ces sogs mang du gsungs shing / chos yang dag par sdud pa'i mdo las kyang / byang chub sems dpa' rnams kyi