[A:50]ba 'debs pa'i skor gyi lung dang / rje btsun rin po che grags pa rgyal mtshan gyis mdzad pa'i bla ma rgya bod kyi lo rgyus nas bzung / gnas gsar pa ngag dbang kun dga' legs pa'i 'byung gnas kyi rnam thar 'jam mgon kun blo rang gis mdzad pa'i bar gyi rnam thar skor rnams kyi lung rje 'di'i gsan yig sde dge chos rgyal mchog gis bsgrigs pa'i nang du gsal ba ltar legs par gsan pa sngon du 'gro ba'i sgo nas/ nyams myong tshad ma rgyud la skyed par byed pa'i khrid dngos ni/ rdo rje 'chang tshar pa chos rje'i gsung sgros 'jam dbyangs mkhyen brtse'i dbang phyug gis zin bris su mdzad pa'i khrid yig gsang chen bstan pa rgyas byed kha'u brag rdzong pa'i bzhed pa ma nor ba la gzhi byas/ bum dbang rmi lam man gyi khrid 'phro lus pa rgyal dbang lnga pa rin po ches mdzad pa dang / snang gsum gyi skabs su 'jam dbyangs mkhyen brtse'i gsung ngag byung tshul gyi zin bris kyi steng nas thog mar man ngag gi byung tshul dang / byung ba'i chos la bshad sgrub bya tshul gyi gsung bshad shin tu rgyas pa dang / gzhan yang gsung bshad kyi rgyab skyor du dgos pa'i yig cha rnams dam pa'i phyag gzhes ltar mdzad de/ lam gyi sngon 'gro snang ba gsum gyi khrid yig shin tu rgyas pa zhag nyi shu skor dang / de skabs rnams su'ang bla ma lnga bcu pa rtsa 'grel rnams kyi steng nas gsung bshad mthil phyin pa dang / sdom pa nyi shu pa rtsa 'grel gyi steng nas gsung bshad zhib rgyas dang / rje btsun gyi sdom pa nyi shu pa'i 'grel pa/ rtse mos mdzad pa'i chos la 'jug pa'i sgo bcas kyi lung / de nas maNDal tshom bu lnga pa la brten pa'i brgyud pa'i khyad par gnyis ldan gyi sems bskyed ngor chen dkon mchog lhun grub pa'i yig cha ltar dang / des mdzad pa'i yig cha'i steng nas slob ma rjes 'dzin sogs dbang gi mngon par rtogs pa brgyad dang ldan pa'i sgo nas dpal kye rdo rje'i rdul tshon gyi dkyil 'khor