[A:51]chen por/ mus chen sems dpa' chen pos mdzad pa'i dbang chu dang / tshar chen gyi dbang chu'i gsal byed/ dkon mchog lhun grub kyi dbang gi mtshams sbyor chen mo sogs kyi steng nas rgyu dus kyi dbang bskur ba yongs su rdzogs pa/ mkhyen brtse'i yig steng nas aShta'i bzlas lung dang bcas pa/ dngos gzhi grol byed kyi khrid la/ thog mar lta bas spros pa gcod pa'i phyir du kun gzhi rgyu rgyud la 'khor 'das dbyer med kyi lta ba bsgom pa'i khrid dang / de skabs su dam tshig dang sdom pa'i gsung bshad shin tu zhib pa grags pas mdzad pa'i rtsa ltung 'khrul spong gi lung dang bcas pa/ de nas 'jam mgon a mes zhabs kyi yig cha'i steng nas bdag med lha mo bco lnga'i dbang / lus thabs rgyud la dbang bzhi dang 'brel ba'i lam bzhi las/ thog mar bum dbang dang 'brel pa phyi bskyed rim gyi khrid sems 'dzin dang bcas pa/ bdag chen gyi yig cha'i steng nas lam dus kyi dbang bskur ba yig brgya'i bzlas lung dang bcas pa/ de rjes gnang bskyed rim gyi khrid sems 'dzin dang 'brel pa sogs bum dbang gi lam yongs su rdzogs pa/ de dag gi sgro 'dogs gcod pa'i skabs su phyi nang gi bskyed rim/ dbang / rab gnas/ sbyin sreg sogs lam yongs su rdzogs pa cha lag dang bcas pa'i gsung bshad dpyis phyin pa/ gtum mo'i bde drod bskyed pa'i slad du ngag chos pa'i yig cha'i steng nas bdag med lha mo bco lnga'i byin rlabs/ de rjes gsang dbang dang / shes rab ye shes dang / dbang bzhi pa dang rjes su 'brel ba'i lam la sogs pa mdor na nyams khrid zab mo yongs su rdzogs pa zla ba drug gi bar du gsan cing de dag gi bar skabs rnams su/ 'jam dbyangs mkhyen brtse'i yig cha'i steng