[A:61]can gyi mkhas pa rnams kyis mdzad pa'i bstan bcos kyi skor la/ rdo rje 'chang mi'i gzugs 'dzin pa dpal sa skya'i rje btsun gong ma lnga'i bka' 'bum gyi nang nas/ 'phags yul gyi grub pa'i slob dpon mi thub zla ba'i rnam 'phrul rje btsun bsod nams rtse mo'i bka' 'bum pod gsum yongs su rdzogs pa dang / rgyal ba rnams kyi gsung gi gsang ba 'dzin pa rje btsun grags pa rgyal mtshan gyi gsung rab glegs bam dang po bcas dang / rgyal sras byang chub sems dpa' chen po thogs med bzang po dpal gyis mdzad pa'i skor las/ bstod tshogs dang gdams skor sogs nyer mkho 'ga' zhig phyogs gcig tu bsgrigs pa'i pusta ka gcig dang / rgyal ba'i lung gis zin pa'i ngor chen rdo rje 'chang kun dga' bzang po'i bka' 'bum pod bzhi ma yongs su rdzogs pa dang / mus chen sems dpa' chen po dkon mchog rgyal mtshan gyi bka' 'bum pod gcig dang / mdo sngags smra ba'i khyu mchog chen po kun mkhyen bsod nams seng ges mdzad pa'i zab mo sngags kyi phyogs gtso bor gyur pa'i bka' 'bum pod bzhi ma rnams dang / rje rang gis mdzad pa'i gsung thor bu 'ga' zhig dang bcas pa'i lung legs par gsan to/ /de ltar gsan pa de dag kyang 'ol spyi tsam du ma lus par phyag len phra mo tshun chad kyang dpyis phyin par mdzad pa yin no/ /mdor na rje yab sras 'di gnyis ni sngon gyi dus na jo bo rje dpal ldan a ti sha dang / 'brom ston rgyal ba'i 'byung gnas kyi rnam thar dang tshul mtshungs par yang srid snga ma rnams su bla slob kyi 'brel pa zam ma chad par gyur pa zhig yin par gor ma chag ste/ de'ang rje 'di'i rtsa ba'i bla ma thams cad kyi nang nas thun mong ma yin pa'i rigs bdag ni 'jam mgon kun dga' blo gros pa nyid bzung bar mdzad cing / de ni nges pa don gyi rdo rje