[A:62]'chang yin la yin bzhin par the tshom cung zad kyang mi mnga'/ gzhan rkyen gyis dbrog par mi nus pa'i dad pa dang gus pa bsam gyis mi khyab pa mdzad/ 'jam pa'i dbyangs kun dga' blo gros pas kyang spyir ris su ma chad pa'i bstan pa der 'dzin dang bcas pa thams cad la dag snang phyogs med du gzigs pa dang / lhag par snying nas chos byed pa rnams la thugs brtse ba'i sgo 'phar yangs por phye bar mdzad pa zhig yin na'ang / de'i nang nas ngor pa 'di dpal ldan sa skya pa'i bstan pa'i lcags ri lta bu yin gsungs nas/ ngor pa'i mkhan po dang zhabs drung sogs byon pa'i dus kyang / rje rang gis spos reng re bsnams te gzim chung gi sgo nang bar bsu bar mdzad pa dang / zhabs 'bring drung skor ba rnams la gzim chung 'gag tu phyag dbang zhur bcug pa sogs gzigs skyong chen po stsal zhing / lhag par rje 'di la rang gi rigs sras gcig dang khyad par med pa'i byams gzigs rgya chen pos skyong bar mdzad pa yin no/ /de'ang rje 'di dang po ngor du byon dus khu bo zhabs drung dpal ldan chos skyong ni zhi bar gshegs tshar/ sku gsung thugs kyi rten tsam las zang zing gi phyag rdzas sogs ci'ang med pas/ e wa~M pa'i gtsug lag khang du zla re bzhin ma chag par gtong rgyu'i dus ja rnams dang / rang gi gsol chas sogs kyang gzhan dag las bun len pa kho na la ltos dgos pa la/ sa skya nas 'jam mgon kun dga' blo gros kyis rang gi rigs bdag thar rtse nam mkha' bsam grub yin pas de'i chos dam la dgongs pa dang / rje 'di la'ang thugs brtse ba'i sgo nas da rang thar rtse'i dus ja de zad ran gsungs nas/ ljon 'dab 'khor gnyis tsam dang / mar de mtshungs bcas zla ba lnga drug re'i mtshams nas