[A:70]ldan gyis mdzad pa'i 'od 'pho/ sa paNDi tas mdzad pa'i snang ba mtha' yas kyi bsgom don sogs kyi lung dang / chos kyi rje 'dam thog bla ma rin chen grags pa las/ zhu chen gyi yig cha'i steng nas phyag rdor 'chi 'joms kyi dbang / tshe dbang mda' 'phel ma bzang po rgyal mtshan gyi yig cha ltar dang / zhu chen gyi yig cha'i steng nas tshe dpag med lcags sdong ma'i dbang bcas dang / spangs rtogs nor bu'i mdzod 'chang ngag dbang phun tshogs don grub kyi drung nas/ thar rtse paN chen nam mkha' dpal bzang gi yig cha'i steng nas rnal 'byor gyi dbang phyug bi rU pa'i srung ba phyi ma'i byin rlabs/ rig sngags 'chang ba bde grol bla ma rin po che las/ snga 'gyur rdo rje theg pa'i bka' srol las byung ba'i tshe dbang zab mo dang / smin gling gter chen gyis mdzad pa'i sgrub thabs snying po gsal ba dang / o rgyan rnam grol gyi chog khrigs bklags pas don grub bcas kyi steng nas byad 'grol gser gyi lde mig dang / gzhan yang rgyags brngan lha bsang sogs kyi lung 'ga' zhig dang / mkhas pa'i dbang po zhal dkar ba ngag dbang shes rab las/ thar paN gyi yig cha'i steng nas gnubs lugs kyi srung ma legs ldan stag zhon 'khor dang bcas pa'i rjes gnang la sogs pa dang / gzhan yang mkhas grub sangs rgyas grags pa/ khang gsar zhabs drung rin po che bsod nams bstan 'dzin/ phan khang 'jam dbyangs sogs las kyang chos kyi bdud rtsi bag tsam re gsol ba yin no/ /de ltar zab pa dang rgya che ba'i chos kyi rnam grangs mang du gsan pa rnams kyang ming tsam du ma bzhag par bsam byung gi shes rab myur ba dang / gsal ba dang / rgya che ba dang / zab pa'i blo gros kyi mthu thogs pa med pas don dang don ma yin pa rnam par phye ste