[A:74]bsod nams bzang po dang / gsang ste ston pa'i slob dpon 'dul ba 'dzin pa dbang phyug rgyal mtshan dang / dus go ba slob dpon byams pa bsod nams chos rgyal dang / grogs ldan pa byams pa sangs rgyas rin chen/ kha skong dge slong dpal ldan bzang po la sogs pa dad pa'i dge 'dun bcu tsam gyi dbus su bsnyen par rdzogs pa dge slong gi sdom pa rnam par dag pa bzhes par mdzad do/ /dus de nyid nas brtsams te bsnyen par rdzogs nas lo brgya lon pa'i dge slong rnams dang khyad par med par dbang po dul zhing zhi la bag yod pa'i spyod lam dang ldan pa'i sgo nas tshul khrims kyi bslab pa rin po che srog bas kyang gces par bzung zhing / dgag sgrub gnang gsum gyi bslab bya phra zhing phra ba rnams kyang ma nyams par mdzad pas/ bod gangs can gyi sdom brtson sde snod 'dzin pa rnams kyi gtsug gi nor bu lta bur gyur pa yin no/ /gzhan yang mkhan po chos kyi rje de'i drung nas/ 'jam mgon a mes zhabs kyis mdzad pa'i dpal sa skya'i gdung rabs chen mo'i lung la sogs pa phran tshegs 'ga' zhig dang / sa skya'i zur 'chad pa lung rig smra ba kun dga' rab rgyas pa'i drung nas/ dpal dgyes pa rdo rje'i rgyu lam gyi dbang / bir srung thun mong ba'i byin rlabs/ zhal bsnyen dus thun mong ma yin pa'i rjes gnang / zhal gyi skong ba kun blos mdzad pa'i lung bcas dang / rje bla ma mus chen chos nyid ye shes pa las/ dkon lhun gyi yig cha'i steng nas rnam 'joms kyi rjes gnang bkru byabs srung gsum dang bcas pa/ lha mo shra ma Na'i sgo nas rmi lam brtag sgrub kun blos mdzad pa'i lung bcas dang / chos kyi rje bla ma byams pa bstan 'dzin pa las/ dkon lhun gyi yig cha'i steng nas khro rgyal 'byung po 'dul