[A:7]nam mkha'i mdzod lta bu/ /mtha' dag phyogs bcu'i rgyal ba rnams kyis kyang / /brjod pa'i spobs pa gzengs su mi mtho na/ 8 /bdag 'dra so skye'i blo yi rwa ba na/ /cha shas tsam yang chud par mi srid de/ /rgya chen 'chi ba med pa'i lam 'di ko /blo chung 'dom gyis 'jal bar 'dod dang mtshungs/ 9 /'on kyang dbang bskur mchog thob slob dpon gyi/ /rnam thar phyogs re tsam zhig brjod pas kyang / /yang srid kun tu bsags pa'i sdig ltung rnams/ /ming gi lhag mar 'gyur zhes lung las 'byung / 10 /de phyir bsod nams tshogs dang ye shes kyi/ /bdud rtsi'i chu gter yongs su 'phel ba dang / /lhan cig rang gzhan dad pa'i ljon shing nyid/ /gong nas gong du rgyas par bya ba'i slad/ 11 /'di na thun mong dag tu rab grags pa'i/ /rtogaXs brjod cung zad tsam zhig gleng ba yi/ /ngo mtshaXr me togaX g.yo baX'i 'khri shing che/ /byin rlabs 'dod dgu'i dga' ston 'byung phyir spel/ 12 /dkar po'i phyogs kyi zla 'od gzhon nu la/ /rjes su dga' ba'i ku mud kha bye ba/ /lha klu mi'am ci dang mi sogs kyi/ /thos 'dzin don ldan bsgyur phyir 'bad pas nyon/ 13 /de la 'dir shin tu brnag par dka' ba'i sdug bsngal dang / kun 'byung gi chu srin gyis dngos dang brgyud pa'i sgo nas gtses shing nyams nyes par gyur pa'i 'khor ba'i rgya mtsho chen po las rnam par brgal te/ mi gnas pa'i mya ngan las 'das pa thams cad mkhyen pa'i nor bu'i grong khyer du 'jug par 'dod pa'i skyes bu blo gros dang ldan pa rnams kyis don du gnyer bya'i gtso bo ni/ thog ma nyid du dri ma med pa'i gsung rab rnams las ji ltar 'byung ba bzhin gyi mtshan nyid dang ldan pa'i dpal ldan bla ma dam pa legs par btsal te mnyes pa gsum gyi sgo nas