[A:84]stobs nus pa'i bdag nyid chen por bzhugs pas de'i thugs rje dang byin rlabs kho na yin no zhes mgrin gcig tu gleng bar byed cing / gang ltar yang dus kyi 'khrugs long de lta bu'i skabs der yul dgon thams cad sngar gyi sa na gnas pa gcig kyang med pa la/ e wa~M pa'i char gtogs dang bcas pa thams cad sngar mu ltar gnas pa ni rje 'di'i thugs rje kho na yin par gor ma chag go /don 'di la brten nas rigs ldan chos kyi rgyal pos mdzad pa'i rnam thar gsol 'debs las kyang / yon tan 'byung gnas e wa~M gtsug lag tu/ /sa gsum zil gnon pad rAg gzi 'bar ba'i/ /rdo rje'i khri la rgyal ba ngor chen rje'i/ /rgyal tshab mnga' gsol bstan pa'i bdag por 'dud/ /ngor bstan nyams gso 'dzin skyong rgya cher spel/ /'dus par sdom pa gsum gyi bka' drin stsal/ /sa dbang sde dges gus mchod ti shrIr bkur/ /rlabs chen phrin las skyong ba mchog der 'dud/ /nai pa la yi phru mas dbus gtsang gi /dregs ldan phal cher 'jigs shing kun dpa' zhum/ /'phags chen byang chub sems dpa' khyod kyi mthus/ /ngor dgon ltos bcas 'tshe bral mdzad la 'dud/ /snyigs ma'i rang rtags nad yams la sogs kyi/ /bar chad kun las rnam par rgyal gyur te/ /skye dgu'i bsod nams zhing du brtan bzhugs pa'i/ /byams pa nam mkha' 'chi med zhabs la 'dud/ /ces gsungs pa yin no/ /'chi med lam du mi rgyu zhing / /padmo rgyas par mi byed pa'i/ /khyod gsung chos kyi nyi ma yis/ /srid zhi'i mun stug kun nas gsal/ /khyad par dus gsum rgyal rnams kyis/ /gshegs pa'i lam chen gcig