[A:86]sbyin gyi sde dpon lag na rdo rje'i rnam 'phrul du lung gis zin pa'i mi bdag sa'i tshangs pa chen po sde dge bla chen byams pa phun tshogs pa'i sku ring la/ ngor nas mkhan chen thams cad mkhyen pa dpal mchog rgyal mtshan pa spyan drangs te rigs kyi cod pan gcig pur mnga' gsol ba nas brtsams/ sde dge'i rgyal rabs rim can gyi dbu'i mchod nas su ngor nas mkhan rab re gdan drangs te chos dang srid kyi phrin las kyi gdugs dkar pos yangs pa'i rgyal khams thams cad khyab par mdzad pa yin gshis/ da lan kyang dbu'i mchod gnas de ngor nas gdan 'dren zhu ba'i thugs 'dun ches cher rgyas shing / de skabs ngor nas mtshan snyan grags che ba ni rje 'di dang / khang gsar zhabs drung rin po che bsod nams bstan 'dzin gnyis yin par brten/ dpal sa skya'i 'jam mgon chen pos gtso mdzad pa'i bla ma mang por thugs brtag dang / rten gsum khyad par can rnams kyi drung du brtag sgril zhus par thams cad mthun par rje 'di gdan drangs na rgyal po'i thugs dgongs rdzogs pa sogs gang cir legs tshul byung bar brten/ rje 'di gdan 'dren zhu bar nang blon chen po phyag tsha'i bsod nams dbang rgyal dang / mdun skor grags pa'i kar skyabs dpon 'khor rnams brdzong bda' mdzad cing / khong rnams kyis kyang rim gyis gzhung sa dang sa skya rnams su phyin te/ rje 'dis ngor gyi mkhan sa bzhag chog pa'i dgongs khrol dang mdo khams su phebs dgos pa'i bka' shog bcas zhus te ngor du 'byor bar/ rje 'di la mdo khams su 'byon pa'i zhu ba nan chags su phul ba bzhin mthar zhal gyis bzhes shing / 'ga' zhig gis ni rje 'di la gnod sbyin bektses zhal bstan te/ mdo khams su byon na bstan 'gro'i don rgya chen po