[A:93]chos rgyal mchog gi sku'i 'gal rkyen sel zhing mthun rkyen thams cad sgrub pa'i bla ma rnams dang / bka'i 'khor los sgyur ba'i mdun na 'don chen po rnams dang / phyag mdzod dang / mdun skor rnams dang / tshong dpon dang / dpon skya dang / hor 'dra la sogs pa rnams dang / lhun grub steng rang du gnyug mar bzhugs pa'i bla ma dang / slob dpon dang / chos khrims dang / spyi ba'i dus ja khag rnams dang / dge slong dang / dge tshul la sogs pa ji snyed cig bzhugs pa rnams dang / gzhan yang rdzong khag nyi shu rtsa lnga'i mnga' 'og tu gtogs so 'tshal gyi bla ma dang / mi dpon dang / dgon pa dang / khyim bdag 'byor pa dang ldan pa rnams te/ de dag so so nas kyang dad pa dang spro ba phun sum tshogs pa'i lde mig gis rang rang gi 'byor pa'i bang mdzod kyi sgo 'phar yangs por phyes/ gtong phod kyi lag pa ring du brkyangs/ 'bul ba'i dngos po gya nom pa ri ltar spungs te/ byang chub sems dpa' nam mkha' mdzod kyi rnam thar la co 'dri ba lta bu'i sgo nas bstan pa dang 'gro ba thams cad kyi mgon skyabs dpung gnyen dam par yongs su mnga' gsol to/ /de ltar bgyis pa'i dge ba thams cad byang chub kyi snying por yongs su bsngo ba'i rgyas 'debs pa dang / der 'dus pa'i skye bo rnams kyang chos kyi bdud rtsi bla na med pas tshim par mdzad do/ /de nas bzung ste dgung lo zhe gcig pa shing glang lo'i bar lo bcu gcig khams su bzhugs/ skabs 'gar mkhar mdo/ dbon stod/ ye na/ rab brtan/ ri mda'/ dung mdo/ wa ra/ ku se/ spo lu/ sgar rje sogs su lan kha yar dang / yang zul phu/ ru dam/ yid lhung skor/ bye ma thang / khye'o stod smad bar gsum/