[A:96]ngor gyi bstan pa nyin mo ltar mdzad pa yin no/ /don 'di rnams la dgongs nas rigs ldan chos rgyal mchog gis mdzad pa'i rnam thar gsol 'debs las kyang / tshar chen bla ma'i bka' sdod gnod sbyin ches/ /dpal ldan sa skya'i bstan bcud tshar pa yi/ /slob bshad ring lugs srid mthar 'phel brtan phyir/ /mdo khams sde dger 'byon par bskul der 'dud/ /sde bzhi'i dpal dang dge bcu'i don ldan yul/ /'chi med grub pas byin brlabs chos grwa che/ /lugs brgya'i 'dun sa dpal ldan lhun grub steng / /chos kyi khri la zhabs pad bkod der 'dud/ /bla chen tshul mthun mdzad kyang 'dod pas dben/ /sdom gsum gnad kyis ma 'gal 'jig rten pa'i/ /chos brgyad skyon bral bsdu ba'i dngos po bzhis/ /'gro don tshul bzhin skyong mdzad de la 'dud/ /a ta rong gi rgyal khab snod bcud kyi/ /skye dgu mchog dman mtha' dag gnas skabs dang / /mthar thug phan dang bde la sbyor mdzad pa'i/ /'brel tshad don ldan chen po de la 'dud/ /ces sogs dang / yang de nyid las/ 'jam mgon brtan pa'i 'khor lo'i rdo rje'i lung / /bektse'i ye shes spyan gyis rten 'byung sgo/ /gzigs la bslu ba med de e ma ho/ /bdag gi lha skal gcig chog rgyal por 'dud/ /bla ma dge ba'i bshes gnyen 'dus tshogs la/ /smin grol zab rgyas stsal zhing spros bcas kyi/ /lag len 'khrul bsal nyams len rim pa gnyis/ /ya bral skyon 'don srol bzang btod la 'dud/ /ces sogs kyis bsngags par mdzad do/ /de dag gi skabs gseng rnams su yi dam lha'i ljags bsnyen zla ba kha shas bzhugs pa dang / gzhan yang de phyogs kyi bla ma mkhas btsun bzang gsum