[A:95]'dzin pa dang / sna gcig spyod pa dang / sna 'ga' spyod pa dang / phal cher spyod pa dang / yongs su rdzogs pa dang / tshangs par spyod pa'i dge bsnyen gyi sdom pa dang bsnyen gnas la sogs pa shin tu mang po dang / byang chub mchog tu sems bskyed pa dang / blo sbyong dang / zhen pa bzhi bral gyi khrid la sogs pa theg pa chen po pha rol tu phyin pa'i chos mang po dang / khyad par rig pa 'dzin pa sngags kyi sde snod nas bshad pa'i rigs gsum spyi dang / tshe dpag med dang / mi 'khrugs pa la sogs pa bya ba'i rgyud mang po dang / 'jam dpal a ra pa tsa na la sogs pa spyod pa'i rgyud dang / dpal ngan song sbyong ba la sogs pa rnal 'byor gyi rgyud dang / gsang ba 'dus pa rigs gsum dang / gshed dmar dang 'jigs byed la sogs pa pha rgyud kyi skor dang / 'khor lo bde mchog dang rdo rje rnal 'byor ma la sogs pa shes rab kyi rgyud dang / dpal kye rdo rje la sogs pa gnyis su med pa'i rgyud dang / gzhan yang sgrub thabs brgya rtsa dang / rgya mtsho dang / snar thang brgya rtsa la sogs pa spyi bka'i skor te de rnams kyi dbang dang / rjes gnang dang / rig gtad dang / byin rlabs dang / khrid dang / lung dang / lag len la sogs pa mdor na rje rang la ji snyed cig bzhugs pa rnams re re nas lan grangs mang po'i bar du stsol bar mdzad cing / lhun grub steng gi gtsos chos rgyal mchog gi mnga' 'og tu gtogs pa'i sa dgon yod rigs phal che bar rim gnyis kyi nyams len/ cho ga'i phyag len/ gdangs dbyangs/ thig rdul tshon/ 'bud rdung dkrol gsum tshun chad med pa rnams srol btod/ ma dag pa rnams dag par byas/ dag pa rnams gong nas gong 'phel du mdzad pa sogs dpal sa