[A:9]skyon med pa'i bka' dang bstan bcos thams cad nas/ dgongs pa gcig dang / dbyangs gcig pa'i tshul gyis gsungs shing / khyad par du 'tshang rgya ba la sems kyi gnas lugs rtogs dgos/ de rtogs par byed pa'ang bla ma mnyes pa'i zhal las dbang dang gdams ngag thob pa dang / rang nyid kyis bsod nams kyi tshogs rgya chen po bsags pa la rag las kyi/ thabs gzhan gang gis kyang bde stong lhan cig skyes pa'i ye shes mi rnyed par gsungs te/ kye rdo rje rtsa ba'i rgyud brtag pa gnyis pa las/ gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang / /bdag gi bsod nams las shes bya/ /zhes dang / gzhan yang bka' dang bstan bcos mtha' yas pa rnams nas lan gcig ma yin par yang nas yang du gsungs pa yin no/ /rgyu mtshan de'i phyir na dbang don dag bya dag byed ngo 'phrod pa'i dbang bzhi mtshan nyid dang ldan pa yongs su rdzogs pa stsol ba'i rdo rje'i slob dpon de ni/ gdul bya rnams la sangs rgyas kyi mdzad pa thams cad mdzad mkhan yin pas/ bka' drin gyi ngos nas rgyal ba rnams las kyang ches cher lhag par ma zad/ sangs rgyas thams cad 'dus pa'i ngo bo sku bzhi'i bdag nyid can dang / rigs lnga'i rang bzhin can gyi rigs drug pa rdo rje sems dpa'i ngo bor shes pa'i sgo nas yid ches pa'i dad pa brtan pos gsol ba 'debs pa dang bsnyen bkur ba la/ brtson par bya dgos par bshad de/ phyag rgya chen po thig le las/ gang zhig dbang bskur sbyin byed pa/ /de ni rdor sems lta bur blta/ /bla ma ston pa las lhag blta/ /yid bzhin rin chen mnyam par blta/ /zhes sogs mang du 'byung ba yin no/ /de bas na dus gsum