[A:27]bshad pa rdo rje rtse mo dang / khams gsum rnam par rgyal ba dang / mgon po kun snang dang / ngan song sbyong rgyud rnams yin la/ thams cad gsang ba zhes bya ba'i rgyud 'grel pa dang bcas pa dang / de nyid 'dus pa'i don gyi 'grel pa a wa ta ra zhes bya ba dang / bsnyen pa dang sgrub pa'i gzhung rdo rje 'byung ba dang / khams gsum rnam rgyal dang / gtsug tor dgu la sogs pa'i gzhung phra mo du ma dang bcas pa gsan cing khong du chud par mdzad do/ /yang dge ba'i bshes gnyen de nyid las rnal 'byor chen po'i rgyud gsan pa ni/ slob dpon 'phags pa yab sras kyi dgongs pa 'grel ba sgron ma gsal ba dang bcas pa dang / slob dpon 'phags pa nyid kyis mdzad pa'i rim pa lnga pa dang / mdo dang bsre ba/ slob dpon Arya de was mdzad pa'i spyod pa bsdus pa'i sgron me dang / bdag byin gyis brlab pa'i rim pa dang / sems kyi sgrib sbyong dang / slob dpon klu'i bshes gnyen gyis mdzad pa'i sgrub pa'i thabs kyi rnam gzhag dang / dkyil 'khor gyi cho ga nyi shu pa dang / slob dpon zla ba grags kyis mdzad pa'i sgron ma gsal ba dang / rdo rje sems dpa'i sgrub thabs zhes bya ba rnams kyang gsan/ dpal gsang ba 'dus pa la slob dpon sangs rgyas ye shes zhabs kyi dgongs pa slob dpon nyid kyis mdzad pa'i sgrub thabs kun tu bzang po 'grel pa gsum dang bcas pa dang/ rgyud kyi 'grel pa dza yanta dang / tha ga na zhes bya ba dang / snyim pa'i me tog ces bya ba che chung gnyis dang / dkyil 'khor gyi cho ga bzhi brgya lnga bcu pa rtsa 'grel dang / mi bskyod rdo rje zhes bya ba'i sgrub thabs dang / brtan pa'i nor rdzas zhes bya ba'i sgrub thabs dang / slob dpon bsod snyoms pas mdzad pa'i dkyil 'khor gyi cho ga la sogs pa du ma yang gsan/ mtshan yang dag par brjod pa'i 'grel pa che ba dang / de'i don bsdus kyi 'grel pa ku ti ka zhes bya ba chung ba cig dang / sgeg