[A:28]pa'i rdo rjes mdzad pa'i 'grel pa bar par grags pa dang / de'i rgyud la zla ba bzang po dpal gyis mdzad pa'i 'grel pa dang / rnam par rtog ge zhes bya ba'i 'grel pa dang / 'grel pa gong ma de dag gi yan lag phra mo rnams kyang gsan pa yin no/ /yang bla ma de nyid las pha rol tu phyin pa'i gzhung lugs gsan pa ni/ mngon par rtogs pa'i rgyan ma gtogs pa'i byams pa'i chos bzhi dang / bslab pa kun las btus pa dang / spyod pa la 'jug pa dang / mdo kun las btus pa dang / spyod phyogs phra mo mang du gsan no/ /yang dge ba'i bshes gnyen rngog ces bya ba las shes rab kyi pha rol tu phyin pa jo bo rje lha gcig gi lugs dge ba'i bshes gnyen 'brom stong btsan nam mkha' mgon zhes bya ba las nos pa'i shes rab kyi pha rol tu phyin pa nyi khri snang ba rtsa ba dang 'grel pa dang / brgyad stong pa rtsa ba dang 'grel pa dang / mngon par rtogs pa'i rgyan rtsa 'grel/ sdud pa rtsa 'grel slob dpon phyogs kyi glang po'i shes rab kyi pha rol tu phyin pa'i don bsdus rtsa 'grel dang / slob dpon shAnti pas mdzad pa'i gzhung lugs mang du gsan pa yin no/ /de nas bla ma chen po 'brog mi nyid kyi thugs sras rje mkhar chung ba'i drung du nye bar bsnyen te/ man ngag cung zad tsam nos nas bla ma de nyid kyi thugs kyi sras/ sag thang dings kyi dgon pa na bzhugs pa'i bla ma rje dgon pa ba zhes bya ba'i drung du nye bar bsnyen te/ man ngag lam skor dgu yongs su grags shing / man ngag gi skor phra mo nyi shu rtsa lnga dang bcas pa dang / de re re la yang man ngag gi skor du ma dang bcas pa dang / man ngag thams cad kyi yang snying yin mod kyi/ gtso bor rnal 'byor gyi dbang phyug birWa pa'i gdams ngag gi rgyab brten rgyud rkyang pa'i bshad pa shin tu zab pa'i lugs dang / dpal gsang ba 'dus pa rtsa ba'i rgyud dang / sangs rgyas mnyam sbyor rtsa ba'i rgyud dang / he badzra rtsa ba'i rgyud dang / dpal bde mchog gi