[A:22]gi nyes pa dang nyes byas phra mos kyang ma gos pa yin te/ ci'i phyir zhe na/ byang chub sems dpa' 'di ni nges par bdag bas gzhan gces kyi thugs mnga' ba'i phyir te/ byang chub sems dpa' 'di ni byams pa che ba dang / dngos po gang la yang mngon par zhen pa btang ba'i phyir ro/ /yang byang chub sems dpa' 'dis dge ba'i bshes gnyen ji tsam bsten cing chos ji tsam zhig gsan zhe na/ rigs kyi yab dge ba'i bshes gnyen dkon mchog rgyal po nyid la thog ma kho nar smin par mdzad nas sngar smos pa'i dge ba'i bshes gnyen de'i chos thams cad gsan cing cung zad ma tshar ba de'i slob ma dag la yang gsan cing tshar bar byas pa yin no/ /de nas yang bla ma rje btsun snying rje chen po dang ldan pa/ ba ri lo tsA ba rin chen grags pa zhes bya ba'i zhabs drung du nye bar bsnyen te/ pha rol tu phyin pa'i gzhung lugs la 'phags pa dkon mchog brtsegs pa dang / sangs rgyas phal po che'i gzhung rab tu dbye ba dang / de'i man ngag kyang gsan/ bya ba'i rgyud la rgyud sde'i dum bu nyis brgya tsam yan lag dang bcas pa man ngag phra mos brgyan pa gsan/ spyod pa'i rgyud la/ gshin rje'i gshed khro bo rnam par rgyal ba'i rgyud yan lag dang bcas pa gsan/ rnal 'byor chen po'i rgyud la/ dpal gsang ba 'dus pa rtsa ba dang bshad pa'i rgyud lnga la slob dpon 'phags pa yab sras kyi dgongs pa 'grel pa dang yan lag phra mo dang bcas pa dang / sangs rgyas ye shes zhabs kyi dgongs pa 'grel pa yan lag phra mo dang bcas pa rnams dang / gshin rje'i gshed dgra nag po'i rgyud gsum dpal 'dzin gyi 'grel pa yan lag dang bcas pa rnams dang / dgyes pa rdo rje rgyud gsum yan lag dang bcas pa rnams dang / 'khor lo bde mchog rtsa ba dang bshad pa'i rgyud gsum ma lus pa yan lag phra mo ci rigs pa dang bcas pa rnams dang / rdo rje