[A:24]pa rnams kyang gsan/ yang bla ma de nyid la rje btsun mai tri pa'i slob ma rje btsun phyag na rdo rje zhes bya ba la bla ma de nyid kyis nos pa'i grub pa sde bco brgyad grub pa'i khongs su gtogs pa du ma dang bcas pa/ snying po skor phra mo dang bcas pa/ nyi shu rtsa lnga yan lag du ma dang bcas pa/ shin tu zab pa'i man ngag gis brgyan pa rnams khong du chud par mdzad do/ /de nyid du bla ma 'brog mi'i bshad srol gyi ma hA ya 'grel pa gnyis yan lag dang bcas pa dang / zla gsang thig le'i rgyud dang / sangs rgyas thod pa'i 'grel pa yan lag dang bcas pa rnams kyang thugs su chud par mdzad pa yin no/ /bla ma de nyid kyis mar pa lho brag pa'i slob ma mes tshon po las nos pa'i rdo rje gur dang brtag gnyis dang / rdo rje gdan bzhi dang / ma hA mA ya rgyud rkyang pa dang / rgyud bzhi'i bshad pa man ngag dang bcas pa yang gsan/ bla ma mnga' ris pa'i lugs dbu ma shar gsum dang / bslab btus spyod 'jug dang bcas pa rnams kyang gsan cing khong du chud par mdzad do/ /de nas gung thang gnas gsar gyi gtsug lag khang zhes bya bar rje btsun na ro ta pa'i thugs kyi sras dpal pha na phing gu ba zhes bya ba'i zhabs rdul la reg pa rje btsun mal lo tsA ba zhes bya ba'i zhabs drung du nye bar bsnyen te/ dpal 'khor lo sdom pa rtsa ba dang / bshad pa'i rgyud rdo rje mkha' 'gro dang / a bhi dha na dang / he ru ka mngon 'byung dang / kun du spyod pa dang / sampu Ta dang / rnal 'byor ma bzhi kha sbyor gyi rgyud dang / phag mo mngon par 'byung ba dang / rdo rje mkha' 'gro dang / kun spyod kyi 'grel pa lo hi pa yan lag phra mo dang bcas pa/ rdo rje dril bu pa'i gzhung gsum yan lag dang bcas pa dang / nag po pa'i chos drug dang / rdo rje rnal 'byor ma mkha' spyod rtsa dbu ma'i man ngag phra mo dang bcas pa rnams khong du chud par mdzad do/ /bla ma pham thing pa nyid dang / bha ro phyag rdum las nos pa'i gshin