[A:25]rje'i gshed nag po rgyud gsum 'grel pa dang / rgyud rkyang gi lugs gnyis gnyis man ngag phra mo du ma dang bcas pa gsan nas/ yang bla ma de nyid las na ro pa'i gur dang / byang chub sems dpa'i 'grel pa gsum yan lag dang bcas pa rnams kyang gsan/ yang bla ma de nyid las ngo bo rin chen bzang po'i slob ma brag stengs pa yon tan tshul khrims las nos pa'i dpal bde mchog rtsa ba'i rgyud slob dpon kong kan rgyal ba bzang po'i skor 'grel pa gsum/ dkyil 'khor cho ga sgrub thabs bstod pa dang bcas pa rnams gsan/ yang brgyud pa de nyid las 'ongs pa'i ngan song sbyong rgyud dang / rab gnas kyi rgyud la yan lag bdun dang bcas pa rnams dang / rdo rje sems dpa' 'byung ba'i sgrub thabs che chung gnyis dang / dpal nag po chen po la sogs pa'i man ngag phra mo du ma dang bcas pa rnams kyang gsan no/ /yang bla ma de nyid las jo bo chen po rje lha gcig gi slob ma rong pa mgar dge ba dang / dge bshes 'dzang gyang bu ba las nos pa dpal bde mchog rtsa ba'i rgyud 'grel pa sgrub thabs kyi gleng gzhi dang bcas pa dang / a bhi dha na dang / lo hi pa yan lag dang bcas pa rnams kyang gsan/ mi g.yo ba dang / phyag na rdo rje la sogs pa dang / sgrol ma'i sgrub thabs yan lag du ma dang bcas pa rnams kyang gsan no/ /yang bla ma de nyid las jau bo ma hA dza na dang pa ra he ta las nos pa'i dpal bde mchog sdom pa 'byung ba dang / kha che'i slob dpon bram ze rin chen rdo rjes mdzad pa'i sgrub thabs yan lag du ma dang bcas pa rnams kyang gsan no/ /slob dpon 'phags pa yab sras kyi dbu ma rigs pa'i tshogs dang / mdo kun las btus pa dang / bstod pa'i tshogs rnams kyi rtsa ba dang 'grel pa phra mo dang bcas pa rnams kyang gsan cing khong du chud par mdzad de/ yang bla ma de nyid las yan lag brgyad pa la sogs pa'i sman dpyad kyi gzhung