[A:༡༧༧]ཕྱུག་སེང་གེ་སྒྲའི་རྗེས་སུ་གནང་བ་དང༌། དེའི་ཡིག་ཆ་དཀོན་མཆོག་ལྷུན་གྲུབ་ཀྱིས་མཛད་པ། གདོན་སྒྲོལ་གྱི་ཆོ་ག་ཐར་པཎ་དང༌། སྔགས་འཆང་ཀུན་དགའ་བསོད་ནམས་ཀྱིས་མཛད་པ། སེང་གེ་སྒྲའི་ཆར་འབེབས་འདམ་ཐོག་བསྟན་འཛིན་རྡོ་རྗེས་མཛད་པ་རྣམས་ཀྱི་ལུང༌། པདྨའི་རིགས་ཀྱི་ཡུམ་སྒྲོལ་དཀར་ཡིད་བཞིན་འཁོར་ལོ་ཐུན་མོང་དང༌། ཐུན་མོང་མ་ཡིན་པའི་རྗེས་སུ་གནང་བ། །ཚར་ཆེན་གྱིས་མཛད་པའི་ཚེ་ཁྲིད་ཟླ་བའི་ཆུ་རྒྱུན་གྱི་སྙིང་པོ་དང༌། དེའི་ལྷན་ཐབས་འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་ཡིག་ཆ་བཅས་ཀྱི་སྟེང་ནས་ཉམས་ཁྲིད་ཟབ་མོ་ཡོངས་སུ་རྫོགས་པ། སྒྲོལ་དཀར་སྒྲུབ་ཐབས་སློབ་དཔོན་ངག་གི་དབང་ཕྱུག་གྲགས་པས་མཛད་པའི་འཆི་བདག་བསླུ་བའི་རྟོག་པ་ནས་ཕྱུང་བ་པཎྜི་ཏ་དོན་ཡོད་རྡོ་རྗེ་དང༌། ལོ་ཙཱ་བ་བ་རིའི་འགྱུར། སྒྲོལ་དཀར་སྒྲུབ་ཐབས། གཏོར་མ། བུམ་ཆོག །སྲུང་འཁོར་བཅས་ཀྱི་ཡི་གེ །བྲིས་པའི་སྲུང་འཁོར་གྱི་ཡི་གེ །བར་ཆད་ཞི་བར་བྱེད་པ། ལྟས་ངན་གཡང་དུ་བླང་བའི་མན་ངག །ངག་གི་བྱང་འགྲོལ་གྱི་ཡི་གེ་སློབ་དཔོན་པདྨ་ནག་པོས་མཛད་པ། སྒྲོལ་མའི་སྤྲུལ་པ་ཅེ་སྤྱང་སྔོན་མོའི་སྲུང་བ། ཅེ་སྤྱང་སྔོན་མོའི་ལམ་སྲུང་གི་གསལ་བྱེད། རྗེས་གནང་གི་སྐབས་སུ་ཉེ་བར་མཁོ་བའི་ལོ་རྒྱུས་མཛད་བྱང་མེད་པ། རྗེ་དཀོན་མཆོག་ལྷུན་གྲུབ་ཀྱིས་མཛད་པའི་སྒྲུབ་ཐབས་རྗེས་གནང་བསྟོད་པ་དང་བཅས་པ། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་སྒྲོལ་དཀར་རྗེས་གནང་དང༌། དེའི་དམིགས་རིམ་སྐྱབས་ཡུལ་ཞིང་ཁམས་མ། སྦྱིན་སྲེག་བཀླགས་ཆོག་ཏུ་བཀོད་པ། དབང་ཕྱུག་རབ་བརྟན་གྱིས་མཛད་པའི་སྒྲུབ་ཐབས་དང༌། སྒྲོལ་དཀར་སྦྱིན་སྲེག་མཁས་གྲུབ་སངས་རྒྱས་ཕུན་ཚོགས་པས་མཛད་པ་དང་བཅས་པ་རྣམས་ཀྱི་ལུང༌། ཇོ་བོ་ནས་བརྒྱུད་པའི་སྒྲོལ་མ་ཉི་ཤུ་རྩ་གཅིག་གི་