[A:254]nga brgyad pa rnam rgyal zhes pa chu mo sbrul gyi lo'i hor zla bzhi pa'i dmar phyogs kyi rdzogs pa gsum pa'i nyin spyi dang bye brag gi chibs skyel gyi tshogs dang bcas te yon tan rin po che du ma'i 'byung gnas dpal e wa~M chos ldan nas chibs bteg /mar lam byang brgyud kyis phebs te hor zla lnga pa'i mjug tu bkra shis dbu ma thang du phebs/ /de nas mchod yon lhan rgyas pa'i sgo nas chibs kyi gdong bsgyur/ mdo khams sde dge'i rgyal khab nas snga phyir phebs bsu'i tshogs nyi zer gyi rdul ltar lhags pa rnams dang lhan cig rim gyis byon/ hor zla brgyad pa'i tshes bco lnga'i nyin dgon pa'i ser sbreng la sogs pa phebs bsu'i bkod pa lta bas chog mi shes pa sa dang nam mkha'i kha dog kyang bsgyur bsnyam byed pa dang bcas te/ dpal ldan lhun grub steng gi rgyal khab chen por nyer 'tshe'i dri ma med par mchod yon thams cad bde bar phebs par gyur to/ /de nas bzung ste dgung grangs re gnyis pa me bya lo'i bar lo bzhi mdo khams su bzhugs/ nye skor gyi sbyin bdag dad pa can rnams kyis gdan drangs pa'i ngor lan kha shas phebs pa ma gtogs gzhan phyogs gang du'ang ma phebs/ lo re bzhin drug 'du'i dbu bzhugs kyang rtag par mdzad/ rgyun du chos rgyal mchog gi thugs bzhed ltar gyi dbang khrus rigs 'bul ba dang / rgyal khab chen po der 'phral yun kun tu bde skyid rgya cher 'byung ba'i slad du sku rim gsar 'phar gyi rigs mang po bsgrub pa dang / khyad par chos rgyal mchog gis slar yang gsol ba btab pa bzhin du/ grub chen birWa pa'i thugs bcud thun mong ma yin pa gsung ngag rin po che lam 'bras slob bshad du grags pa'i smin grol yongs su rdzogs pa shin tu rgyas pa tshar gcig dang / nA ro mkha' spyod ma'i smin grol yongs su rdzogs pa dang / gzhan yang sa skya pa'i gser chos kyi skor dang /