[A:255] mgon po che chung gi skor la sogs pa dang / don du gnyer ba'i gdul bya gzhan dag gi ngor yang so sor thar pa dang / byang chub sems dpa' dang / khyad par gsang sngags rdo rje theg pa'i spyi bka'i skor dang / bye brag rgyud sde so so'i smin byed kyi dbang bskur ba dang / rjes su gnang ba dang / grol byed kyi khrid dang / rgyab rten gyi lung la sogs pa mdor na chos kyi 'khor lo bar ma chad par bskor te gdul bya mtha' dag rnam par grol ba'i 'byor pa dang ldan par mdzad pa dang / phyogs der sa dgon ji snyed cig mchis pa rnams kyi gtsos grub mtha' ris med pa'i chos sde rnams su mo khrims dang chang khrims shin tu dam par bsdams pas mtshon dge 'dun gyi sgrig lam lhod pa rnams gsar du bsdams pa dang / grwa grangs nyung ba rnams mang por bsgyur ba dang / chos rgyal chen po dang bka' mol mdzad de/ ze chen dgon nas ma hA paNDi ta 'jam dpal dgyes pa'i blo gros dang / dpal sa skya nas dga' ldan dpon slob rin po che lung dang rig par smra ba byams pa smon lam grags pa dag chos grwa chen po lhun grub steng du gdan drangs te phyi nang gi rig pa'i gnas yan lag dang bcas pa'i bshad grwa btsugs pa dang / mkhan chen ngag dbang chos grags kyis mdzad pa'i sdom pa gsum gyi rab tu dbye ba'i spyi don dang / 'grel pa sogs spar du bzhengs pas mtshon/ mdor na yon mchod gnyis kas sangs rgyas kyi bstan pa ni de bzhin gshegs pa bzhugs pa'i dus la 'gran pa bzhin rgyas par mdzad pa yin no/ /gzhan yang yul phyogs de nyid kyi nad rims la sogs pa'i mi 'dod pa'i rkyen ngan pa thams cad zhi ba dang / dpal dang 'byor pa mtha' dag rgyas par bya ba dang / phun sum tshogs rgu thams cad dbang du bsdu ba dang / mi dang mi ma yin gyi nyer 'tshe mtha' dag rgyang ring