[A:270]pa'i snang ngo na sangs rgyas dngos dang khyad par med cing / sangs rgyas kyi mdzad pa mtha' dag kyang mdzad pa'i phyir/ nges par rdo rje 'chang yin pa la the tshom cung zad kyang mi mnga' ba'i thugs dad mtha' yas pa mdzad cing / rgyun du mtshan nas gsungs pa'i tshe'ang thar rtse rdo rje 'chang zhes gus pa chen pos gsungs pa yin no/ /de skabs shig tu zhwa ser can gyi bstan pa'i snang byed dam pa yongs su rdzogs pa'i mkhas pa chen po sog po don grub rgyal mtshan pa'ang e wa~M du byon te/ rje 'di las bka' chos 'ga' zhig gsan par mdzad de/ chu stag lo'i nang zhwa lu nas rtsod dus kyi kun mkhyen bu ston gnyis pa rdo rje 'chang rin chen blo gsal bstan skyong dpal bzang po'ang e wa~M du phebs/ rje 'di las kye rdor bka' babs bzhi la sogs pa'i bka' chos 'ga' zhig gsan/ tshul yang gong du thos pa mdzad pa'i skabs su bshad pa ltar gyi rnam sras kyi rjes gnang sogs gsan pa dang / yang zhwa ser gyi cod pan 'dzin pa rnams kyi gtsug gi nor bu lta bur gyur pa bcu phrag rig pa'i ma hA paNDi ta a mdo bkra shis 'khyil gyi brag dgon zhabs drung rin po che dkon mchog bstan pa rab rgyas pa'ang e wa~M du phebs/ rje 'di las dbang dang / rjes gnang dang / lung la sogs pa'i bka' chos 'ga' zhig gsan cing / tshur yang gong du bshad pa ltar gyi bka' chos mang du gsan par mdzad pa sogs zab rgyas