[A:271]kyi chos 'khor rgya cher bskor ba dang / slar yang phyi lo chu mo yos kyi gnam lo gsar du 'char ba'i dpyid kyi dus su'ang dpal e wa~M chos ldan gyi bla brang thar pa rtser rtsod pa'i dus kyi thams cad mkhyen pa 'jam pa'i dbyangs mkhyen rtse'i dbang po dang / gnas lnga rigs pa'i mkhas pa chen po 'jam pa'i dbyangs ngag dbang legs grub pa bcas kyis gsol ba btab pa'i ngor/ gsung ngag rin po che lam 'bras slob bshad du grags pa'i smin grol cha lag dang bcas pa yongs su rdzogs pa lan cig stsal bar mdzad do/ /snga lo sde dge chos rgyal chen po byams pa kun dga' sangs rgyas bstan pa'i rgyal mtshan pa zhi bar gshegs pa'i dgongs rdzogs bsgrub pa dang / mkhan rin po che rnal 'byor 'jam dpal bzang po mdo khams su gdan drang pa'i slad du sde dge'i sku tshab dpon 'khor rnams 'byor bar brten/ rje 'di dgung grangs re brgyad pa chu yos hor zla lnga pa'i tshes gsum nyin mkhan chen rdo rje 'chang rnal 'byor 'jam dpal bzang po dang / kun gzigs 'jam pa'i dbyangs mkhyen brtse'i dbang po ston 'khor rnams mdo khams su chibs bteg /lo de'i mjug tu sa skya nas 'jam mgon khri chen rin po ches bka' nan stsal bar brten rje 'di sa skyar phebs/ 'jam mgon khri chen rin po che yab sras rnams su bka' chos rnams thugs bzhed bzhin phul te e wa~M du phebs/ de phyin chad sa skyar phebs dgos tshul gyi bka' nan yang yang stsal rung / sku na mtho ba'i stabs kyis dgongs khrol nan cher zhu bar mdzad de phyogs gang du'ang ma phebs par e wa~M rang du gtso bor thugs dam kho na bzhugs shing / bka'