[A:278]dang / go sa dang / thob thang sogs la ltos dgos pa min rung / re zhig 'jig rten tshu rol mthong ba rnams kyi snang tshul dang bstun te/ rje 'di dgung grangs brgyad cu gya gnyis pa dang / mkhan rin po che rnal 'byor 'jam dpal bzang po dgung grangs drug cu re dgur son pa dmar ser can zhes pa me mo sbrul gyi lo'i sa ga zla ba'i dkar phyogs kyi gral tshes lnga'i nyin/ ji ltar 'khor los sgyur ba'i rgyal po la rgyal srid rin po che rnam pa bdun gyis yongs su mnga' gsol ba ltar/ sku tshe brtan bzhugs kyi cho ga dang 'brel bar bshad ma thag pa'i mtshan dang / yo byad rnams dang / gzhan yang legs 'bul gyi tshogs dang bcas pa'i sgo nas bod gangs can gyi mkhan po che gras su yongs su mnga' gsol bar gyur to/ de nas bzung ste dgung grangs gya drug tu phebs pa lcags bya lo'i bar gtso bor thugs dam kho na la gzhol bar mdzad/ skabs skabs su bde kye gsang gsum gyi sgrub mchod rnams kyang zhag kha shas re gsung bar mdzad pa dang / sa skya nas gdung sras rin po che 'jam mgon phyogs kyi glang po'ang snga phyir lan gnyis tsam phebs nas rje 'di las bka' chos 'ga' zhig gsan pa dang / bdag cag don gnyer rnams kyis gsol ba btab pa'i ngor jo bo lugs kyi sgrol ma nyer gcig dang / dpyal lugs phag mo skor gsum gyi byin rlabs sogs dang / nye bar mkho ba'i lung 'ga' zhig dang bcas pa'i chos kyi bdud rtsi'ang ci rigs par stsol bar mdzad cing / mdor na sku na de tsam du son kyang / sku gzugs kyi babs ha cang lci ba dang / thugs rab mi gsal ba sogs mi mnga' zhing / thugs dam sogs la lhod pa med pa ni