[A:279]shin tu ngo mtshar ba'i gnas yin no/ /de ltar sku tshe rangs por dam pa'i chos 'chad pa dang / rtsod pa ni gdul bya rnams kyis ma rtogs pa dang / log par rtog pa'i the tshom gyi drwa ba sel ba'i slad du 'di rnams ni 'thad la/ 'di dag ni mi 'thad pa'o/ /zhes rgyu mtshan dang bcas pas bka' stsal ba rnams yin la/ gsung rtsom ni gsang 'dus mi bskyod pa'i cho ga nag 'gros ma dang / sde dge'i gzhi bdag 'bri gnyan gdong gi bsang mchod dang / khams phyogs kyi dgon sde 'ga' zhig gi bca' yig dang / zhal gdams dang / gsol 'debs kyi skor re zung las rgya che rigs ma mdzad do/ /gzhan yang lo re bzhin cho 'phrul zla ba'i tshes gcig nas bco lnga'i bar nyin re bzhin spos/ mar me/ zhal zas rnams brgya phrag re dang 'brel bar dge slong bco lnga skor gyis bla ma mchod pa dang / gnas brtan cho ga dang / sgrol ma maNDal bzhi pa'i cho ga sogs gsung ba dang / rgyun du'ang nya stong tshes brgyad phal che bar brgya mchod re dang bcas te dge slong nyung shas res bla ma mchod pa sogs gsung ba dang / yang rje 'di sku mched rnams nas lo re bzhin dge slong bco lnga skor gyis rgyal ba'i bka' 'gyur rin po che gsung sgrogs tshar re ma chag par mdzad pa dang / dus dus su zhabs brtan rim gro'i rigs kyang shin tu rgya che ba sgrub pa dang / sngar bsnyen bkur zhu ba ma byung ba'i dgon sde 'ga' zhig la'ang mang ja'i bsnyen bkur sogs stsal ba dang / bal yul gyi mchod rten dang / lha ldan gyi jo shAka rnam gnyis bcas kyi mdun du'ang snga phyir mchod 'bul yang yang bskur bar mdzad pa dang / mkhan rin po che rnal 'byor 'jam dpal