[A:280]bzang pos e waM pa'i mkhan sa zhal 'dzin gnang ba'i skabs/ thar rtse nas gtsug lag gi tshogs 'bol yongs su rdzogs pa gsar bzos dang / de'i steng gi grum rtse'i gral gdan rnams gsar sbyor mdzad par yang rin chen gnyis pa rdo tshad mang du song ba dang / gtsug lag khang du gos chen bzang bsgrigs kyi rten khebs nyer lnga dang / bla gzhung g.yab chen du mkhan slob zur bzhi dang bcas pa'i snam sbyar nang gos las grub pa sogs sbyor 'jags stsal ba dang / rje 'di sku mched gnyis kyi dgongs bzhed dang / de'i phrin las kyi gdugs dkar gyen du 'degs pa mdzod pa nor ldan shes rab bzang po pas gtso byas te/ e wa~M pa'i bla khag thams cad thun mong gi sgo nas bla brang gzhung gi g.yab chen gyi skor la nyams gsos dang / de rjes ngor chen gyi dgongs rdzogs su bzhengs pa'i bde gshegs mchod rten brgyad kyi gtso byas pa'i mchod rten rnams la nyams gso dang / thog g.yab gsar du brje ba dang / de rjes lam 'bras lha khang dang / dngul gdung lha khang steng shod rnams la nyams gso rnams phul du phyin par mdzad cing / de'i tshe'ang g.yab chen gyi nyams gso'i skabs thar rtser rang gi gzhung sger ltos pa dang bcas pa'i zhal 'debs byas rigs thams cad bsdoms pas bod dngul rdo tshad sum cu so gcig tsam zin pa dang / mchod rten gyi nyams gso'i skabs rje 'dis bod dngul Tam srang brgya zhal 'debs su stsal ba dang / dus phyis bdag gis e wa~M pa'i mkhan sa'i las khur gzung skabs kyang / e wa~M pa'i bla khag thams cad thun mong gis 'dus tshogs kyi tshogs khro gnyis gsar bzos dang / rnying pa gnyis la nyams gsos mdzad cing / thar rtse sger nas tshogs khro gcig gsar