[A:283]yin par brten/ bdag cag gi dpal ldan bla ma dam pa nges pa don gyi rdo rje 'chang chen po 'dis kyang sa ngor gyi phyogs su phyi rig pa'i gnas dang / nang mdo rgyud kun la 'chad nyan mthar phyin pa zhig byung na ci ma rung snyam du dgongs shing / de'ang sa ngor gyi phyogs su phyi nang gi rig gnas kun la 'chad rtsod rtsom gsum tshul bzhin du bgyid par nus pa'i mkhas pa su'ang ma mchis par brten/ 'dzam gling bsod nams kyis mgron du khug pa'i mchog gi sprul pa'i sku rin po che nges pa don gyi thams cad mkhyen pa 'jam pa'i dbyangs mkhyen brtse'i dbang po 'di nyid thar rtse rang la sger chod du stsal thub par sde dge chos rgyal chen por snyan sbron phul ba na/ des kyang dgyes bzhin pa'i sgo nas stsal zhing / de lta bu'i 'jam mgon mkhyen brtse'i dbang po 'di nyid ni sangs rgyas dang byang chub sems dpa' thams cad kyi mkhyen brtse nus gsum gcig tu bsdus te snyigs dus kyi bstan 'gro'i mgon du bsam bzhin du sku'i skye ba bzhes pa'am/ rnam pa gcig tu na rje btsun 'jam pa'i dbyangs kyi rnam par 'phrul par gdon mi za ste/ rtsod bral dus bab kyi gter ston chen po mchog gyur bde chen gling pa'i zab gter las kyang chos rgyal khri srong lde'u btsan gyi rnam 'phrul du bshad pa dang / yang bdag gi bla ma rtsod dus kyi kun mkhyen bu ston gnyis pa rdo rje 'chang rin chen blo gsal bstan skyong gis mdzad pa'i 'khrungs rabs gsol 'debs las ni gnas gsar pa 'jam mgon mkhyen brtse'i dbang phyug gi rnam 'phrul byams pa nam mkha' 'chi med dang / 'jam pa'i dbyangs mkhyen brtse'i dbang po 'di gnyis ka yin par bshad la/ 'di'ang rdo rje'i bka' nges pa'i gtan tshigs dang bcas