[A:284]pa zhig ste/ rig 'dzin yongs 'dus kyi chos bdag lung bstan sogs su gnas gsar ba mkhyen brtse'i dbang phyug chos rgyal khri srong lde'u btsan gyi rnam 'khrul yin par bshad pa dang / yang las 'phro gling pas ni lang gro'i rnam 'phrul du bshad cing / don 'di dag la brten nas rgyal mchog lnga pa rin po ches kyang thog ma'i sprul gzhi ni 'jam pa'i dbyangs yin la/ de nas shA ri'i bu/ chos rgyal khri srong lde'u btsan/ lang gro dkon mchog 'byung gnas sogs yin par bshad do/ /gang ltar yang sa la gnas pa'i byang chub sems dpa' chen po rnams ni 'bad med lhun gyis grub pa'i phrin las kyis sems can gyi don rgyun mi 'chad pa kho na las/ tshe 'di'i snang shas la ltos dgos pa min na'ang / re zhig byams pa nam mkha' 'chi med dang thugs rgyud gcig par bzung ste/ thar rtse rang gi zhabs drung du mnga' gsol bar mdzad cing / de lta bu'i rje btsun bla ma 'jam pa'i dbyangs mkhyen brtse'i dbang po des kyang 'chad pa dang / rtsod pa dang / rtsom pa la sogs pa'i sgo nas brtse chen snying po'i zhabs kyi ring lugs mtha' dag shin tu dar zhing rgyas par mdzad pa dang / gzhan yang gsang sngags snga 'gyur ba dang / jo bo bka' gdams pa dang / dwags po bka' brgyud pa dang / shangs pa bka' brgyud pa dang / zhi byed kyi skor dang / bu lugs dang / jo nang dang / bo dong pa la sogs pa ris su med pa'i chos tshul mtha' dag dar rgyas su mdzad pa dang / khyad par de dag gi nang gses chos rgyun shin tu phra ba mar me snum zad lta bur gyur pa ji snyed mchis pa thams cad kyang nyams pa gsos te slar yang dbyar mtsho ltar spel ba dang / rje btsun sa skya pa nas brgyud pa gtso bor gyur