[A:293]rgyal chen po'i bka'i blon chen rnams dang / phyag mdzod la sogs pa dang / gzhan yang khams phyogs kyi sga stod dang / rag shul dang / hor pa sogs kyi dpon khag dang / go 'jo sde pa khag sogs mi chen phal che bas rje 'di'i zhabs la ma btud pa cher med pa yin no/ /bdun pa rgyal po'i bla'i mchod gnas su mnga' gsol zhing zab rgyas kyi chos tshul ston pa bdun ni/ 'jam dbyangs gong ma chen po'i mchod gnas lcang skya thams cad mkhyen pa sogs ris su med pa'i grub mtha' yongs kyi gtsug gi nor buu lta bur gyur cing 'chad rtsod rtsom gsum la dbang bsgyur ba'i khro shul bla ma ngag dbang smin grol rgya mtsho pa dang / smin grol gdams pa'i gter mdzod bla ma ngag dbang chos 'byor pa dang / yi dam gyi lha mang po'i bsnyen sgrub pha mthar son pa grub mchog ngag dbang rin chen pa dang / grub pa mchog gi ded dpon bla ma dpal ldan phrin las pa dang / mkhas dang grub pa'i gtsug rgyan bla ma dge 'dun rgya mtsho pa dang / snyan brgyud rgya mtsho'i mnga' bdag bla ma ngag dbang bzang po pa dang / nyams dang rtogs pa'i dbang phyug bla ma 'jam dbyangs blo gsal rnams so/ /brgyad pa bshes gnyen lung rig smra ba bdun ni/ rab 'byams mdo rgyud rgya mtsho'i pha rol tu son cing 'chad rtsod rtsom gsum la thogs pa med pa'i mkhas pa chen po shar bla ma kun dga' dpal ldan/ phun tshogs gling gi mkhan po lung rig smra ba bka' chen blo bzang dge legs kun khyab/ lnga rig smra ba'i dbang po sde gzhung bla ma blo gros dbang phyug /lung rig smra ba klog pa ba shes rab rgya mtsho/ rgya chen chos kyi spyan ldan bla ma bstan pa dar rgyas/ mkhas btsun bzang po'i gter gyur phan bde bzang po/