[A:292]nyid zhabs drung rin po che byams pa tshul khrims phun tshogs pa dang / mkhyen brtse nus pa'i gter mnga' phan khang zhabs drung rin po che dpal ldan blo gros rgyal mtshan pa dang / zhwa lu sku zhang gi rigs su sku 'khrungs pa'i khang sar zhabs drung rin po che ngag dbang blo gros snying po pa dang / rje rang gi snag dbon thar rtse zhabs drung ngag gi dbang phyug 'jam dbyangs rin chen rdo rje pa dang / mkhyen pa'i spyan ras bkra ba gdong tshang zhabs drung rin po che rnams so/ /lnga pa bstan pa stobs kyis 'dzin pa'i chos rgyal chen po yab sras bzhi la sogs pa ni/ gsung rab mang po'i pha rol tu son cing 'chad rtsod rtsom gsum dang stobs kyi sgo nas bstan pa 'dzin pa sde dge chos rgyal chen po tshe dbang rdo rje rig 'dzin pa'am phyis rab tu byung ba'i mtshan byams pa kun dga' sangs rgyas bstan pa'i rgyal mtshan pa dang / de'i lha sras che ba chos rgyal byang chub sems dpa' chen po dam tshig rdo rje tshe ring rnam rgyal ba dang / lha sras bar pa rgya chen chos kyi spyan ldan byams pa kun dga' 'jam dpal phan bde'i snying po pa dang / lha sras chung ba mkhyen rab kyi me tog bkra ba tshe dbang rdo rje dgra 'dul ba ste bzhi dang / snga 'gyur rnying ma'i bstan 'dzin chen po gling zhal ngo rje drung par grags pas kyang gus 'dud bsnyen bkur bla na med pa dang bcas rgyud sde'i dbang bskur 'ga' zhig ched du gsan pa dang / gzhan yang bka' chos kyi 'brel pa tsam thob pa'i gling tshang la sogs pa rgyal rigs su gtogs pa shin tu mang ngo / /drug pa mi chen du gtogs pa ni/ mda' dpon chen po tsha rong pa yab sras gnyis dang / mda' dpon rin spungs pas gtso byas pa'i dbus gtsang gi ljongs su 'khod pa'i mi chen mang po dang / sde dge chos