[A:297]la nyams bzhes snying por mdzad pa la brten nas/ spangs pa dang rtogs pa'i yon tan bsam gyis mi khyab pa la dbang bsgyur zhing / de dag gi ngo mtshar cha shas tsam yang so so skye bo'i blo gros kyis brjod par mi nus mod/ 'on te rags rim tsam brjod na/ spyir ni yang srid snga ma rnams nas dge ba la goms pa brtas pa'i shugs kyis sku na chung ngu'i dus nas kyang rang bzhin gyis kha na ma tho ba ci yang mi mdzad na/ sku nar son zhing bslab pa rin po che rnams zhal gyis 'ches tshun chad nas de rnams dang 'gal ba lta ci smos/ khyad par lhag pa tshul khrims kyi bslab pa ni bstan pa'i gzhi ma yin par dgongs nas/ dgag sgrub gnang gsum gyi bslab bya phra zhing phra ba rnams kyang spyan gyi 'bras bu ltar gces par bskyangs te blang dor tshul bzhin du mdzad cing / de la brten nas ltung ba che ba'i rigs lta ci/ nyes pa shin tu phra zhing phra bas kyang ma gos par brten sku lus las kyang sbyar ba'i spos bzang po dang / kaShmI ra'i gur gum dang / ga bur dang / tsan dan la sogs pa'i phun sum tshogs pa'i dri gang gis kyang mtshon du med cing / de dag zil gyis gnon nus pa'i tshul khrims kyi dri bsrung zh-im po rgyang ring du 'thul ba dang / gang du bzhugs pa'i gnas khang dang / na bza' dang / sku chas thams cad la'ang yun ches ring po'i bar dri bzang pos khyab pa ni thams cad la mngon sum du snang ba 'di yin la/ rgyu mtshan de'i phyir na btsun pa brtan pa'i yon tan dang / mkhas shing phan 'dogs pa'i yon tan thams cad lhun gyis grub pa'i rje btsun dam pa 'di ni sngon gyi 'phags pa dgra bcom pa rnams dang tshul mtshungs pa yin no/ /der ma zad bdag cag gi dpal ldan bla ma dam