[A:302]dang / thugs rgyud la snga na med pa'i bde gsal mi rtog pa'i nyams bsam gyis mi khyab pa skyes pa'i snang ba zhig byung gsung ba dang / khri de'i dbus su thub pa'i dbang po bzhugs pa ma mthong ba ni lung rtogs kyi bstan pa nyams dma' ba 'di la blta ba 'dra gsung zhing / thub dbang gnas bcu dang bcas pa'i bris thang yang gsum bzhi tsam bzhengs par mdzad pa dang / e wa~M pa'i mkhan sa zhal 'dzin gnang ba'i skabs shig gnal lam du lha ldan gyi phyogs thams cad thal rlung lta bu zhig gis gang bar rmis pas/ phyogs der mi bde ba zhig 'ong ba 'dra zhes gsungs pa bzhin du phyis lha ldan du skye mkhar lcog spe ba dang / tshe smon gling pa sogs 'khrugs 'dzings sna tshogs pa zhig byung ba dang / yang de skabs shig gi mnal lam du/ sa skya'i phyogs thams cad na bun lta bu zhig gis gang bar rmis pas der yang mi bde bar zhig 'ong ba 'dra gsungs pa bzhin du sku ngo khag rnams thugs mthun min sna tshogs pa zhig byung ba dang / sa skya nas yab rje ngag dbang kun dga' bkra shis mthu stobs bstan 'dzin bzang pos rje 'di mkhan chen nam mkha' bsam grub kyi rnam 'phrul yin ces gsungs shing / rje rang gis kyang dmigs bsal gyi zhal gsar rang mi mdzad rung / de ltar yin rtsis 'dra zhig mdzad kyi yod pa dang / rje bla ma 'jam dbyangs mkhyen brtse dbang pos kyang rdo rje 'chang 'di nyid las smin byed kyi thog ma 'khor lo bde mchog nag po spyod pa'i lugs kyi dbang bka' gsan pa'i bum dbang gi skabs dpal 'khor lo sdom pa zhal phyag yongs rdzogs kyi skur lam gyis gzigs pas rkyen byas/ de phyin rje 'di shrI tsakra sambar dang dbyer med pa'i mus chen sems dpa' chen po'i rnam 'phrul du nges pa'i thugs dad brtan po dang / sku tshe'i tshad kyang de las lhag par