[A:301]zad byung ba 'ga' zhig kyang bsnyad na/ dgung lo bcu tsam bzhes pa'i skabs/ rje 'di thar rtse'i gzim chung bsam gtan yang rtser bzhugs pa'i snga dro'i dus shig gi tshe gzim chung g.yab chen du gzigs pa na/ de'i nam mkha' thams cad sprin gyis gang ba'i gseb na rgyal chen rnam thos sras bzhugs shing / sa gzhir gzigs pa na sa gzhi thams cad kyang chu'am shel gyi rnam pa lta bu la nam mkha'i gzugs brnyan shar ba'i tshul gyis rnam thos sras khra lam mer gsal ba mngon sum du gzigs pa dang / yang nub cig mnal lam du nam mkha' nas ne'u le shin tu yid du 'ong ba/ lus kyi spu mdog kyang rma bya'i sgro'i thig le ji lta ba bzhin gyi nor bu'i ri mo sna tshogs su yod pa nyi shu rtsa gcig thar rtse'i pho brang steng gi gser zangs kyi ganydzi ra'i steng du babs/ de nas kyang rim gyis babs te gzim chung bsam gtan yang rtser song ba'i snang ba zhig byung gsung ste/ de ni bla brang 'di 'byor pa je cher song ba 'di'i ltas dang / dza~M lha nyer gcig gi g.yang skyabs 'dra'ang byas pas de la blta ba 'dra gsung ba dang / yang skabs shig gi tshe mnal lam gyi gsal snang du/ mdun gyi nam mkhar rin po che sna tshogs las grub pa'i khri shin tu rgya che zhing dpangs mtho ba/ de'i steng gi mdun nas brtsams te g.yas skor du gnas brten chen po yan lag 'byung nas bzung 'phags pa'i gnas brtan chen po bcu drug bzhugs shing / de rnams kyi phyag stabs kyang / yan lag 'byung phyag gnyis mnyam gzhag mdzad pa ma gtogs gzhan rnams ngag 'don dang mthun zhing / gnas brtan re re'i sku tshad kyang thog tshad re tsam yod pa dang / khri de'i mdun du rje rang nyid bzhugs shing / mchod pa'i tshul gyis rgyal rnga zhig brdungs pa