[A:305]mtshan mo snang gsal sogs med pa'i skabs kyang gyang logs kyi ri mo rnams mthong ba snyam byed pa'i gsal snang zhig 'dug ces bka' stsal pa rnams ni rdzogs rim gyi lam mthar phyin pa'i rtags khyad par can du mngon la/ yang mdo khams su chos skyong gi rjes gnang stsal ba'i skabs kha cig dang / sa skyar yab rje rin po cher chos skyong gi rjes gnang phul ba'i skabs/ mar me dang nyi ma'i 'od phog pa med kyang gtor bsngos kyi gtor ma'i rgyan rnams don med du skad cig la zhu ba dang / yang skabs 'gar bka' bsgo'i gtor ma phyag tu bzhes pa dang lhan cig gtor ma gzhan thams cad kyis mgo bo mdun du gug byed pa zhig byung zhing / de dag ni chos skyong rnams ji ltar bsgos pa'i bka' las mi 'da' ba'i ltas yin par sems la/ khams su rjes ma phebs skabs zhig sde dge lhun grub steng gi shar bla ma mkhas dbang kun dga' dpal ldan pa'i mnal lam du/ rje 'di nyid sga len steng gi dgon pa'i pha ri de nas chibs pa bzang po zhig la chibs/ dbu'i steng du gdugs ser po shin tu che ba bzung ba med par 'khor/ chibs yob g.yas g.yon du gur gyi mgon po lcam dral gzi brjid kyi dpal rab tu 'bar ba dag gis brten nas phebs par mthong bas/ de phyin chad rje 'di nges par rdo rje 'chang chen po'i ngo bo ste/ sa bcu'i dbang phyug chos skyong gi rnam par bzhengs pa rnams kyis kyang zhabs 'bring ba'i tshul du mdzad par gdon mi za ba'i thugs dang gting nas 'khrungs pa'i tshul yang yang gsungs zhes thos pa dang / yang rje 'di e wa~M pa'i mkhan po zhal 'dzin gnang ba'i skabs/ yid srubs kyis rgyud bslad pa 'ga' zhig gis tho ba tsams par byas kyang / rje 'dis de dag la mi