[A:306]dges pa med mod/ chos srung rnams ni ma bcol yang bstan dgra rdul du rlog pa chos nyid yin pa ltar/ pha rol po de dag kyang mi ring bar lnga pa'i lam du gyur pa ni bstan srung rnams bran du 'khol ba'i nus pa yin par mngon te/ rgyu mtshan cis she na/ 'dre mthong ba kha cig gis mgon khang nang nas mi nag po gnyis byung ste/ de dag gis ma rungs pa de khrid nas tshur 'ong ba mngon sum du mthong ba'i phyir ro/ /yang nor lha'i rigs 'ga' zhig gi rjes su gnang ba stsal ba'i tshe/ gtor ma las chu babs pa mngon sum du mthong ba dang / ngor du bzhugs skabs zhig gnal lam du/ sde dge dgon chen gyi lha sar 'khris der kham bu'i ljon pa sdong po gsum 'dug kyang / me tog dang 'bras bu sogs med pa'i dpangs dma' ba las mi snang / de'i phar phyogs thams cad bye thang lta bu nyams mi dga' ba zhig gzigs pas thugs mi bde snyam byed pa zhig byung ba la dpags na lha sras rin po che dam tshig rdo rje pa sku mched gsum ka'ang sku tshe phrin las ha cang rgyun mi ring ba dang / de rjes tsam sde dge'i bstan srid la'ang bar stongs zhig 'ong rgyu e yin ces bka' stsal zhing thugs khral gyi rnam pa mdzad pa dang / lha sras bla ma bod du phebs pa'i skad ca gsan skabs mnal lam du/ ngor gyi la chung la nas nyi ma zhig 'char byung yang / rgyang tsam shar nas phyir 'gros byas te skar ma lta bu'i 'od med pa'i je chung zhig tu yal song ba/ khong pa skye brgyud bzang ba 'dra zhig e yin kyang / sku tshe dang phrin las bstan phan sogs chen po rang 'ong dka' ba 'dra zhes phebs pa dag phyis su ji lta ba bzhin thog tu son pa dang / gzhan yang dus phyis bal bod dmag 'khrugs kyi skabs/ dbus gtsang gi 'byor ldan phal che bas nor rdzas gzhan du spo ba sogs byed kyang / rje