[A:308]snyan cing snying la 'babs pa'i gsung bdud rts-i'i sgra dbyangs zab mo thos pa tsam gyis kyang mos gus bcos ma ma yin pa skye ba kho na 'byung ba yin te/ gangs can gyi mgon po rgyal dbang thams cad mkhyen gzigs bcu pa tshul khrims rgya mtsho'i zhal snga nas mtshan nyid kyi gsan pa rdzogs pa'i mtshams/ sngags kyi smin grol rgya che ba zhig gsan bzhes mdzad rgyu byung na/ sngon skyabs mgon lnga pa rin po che'i rnam thar ltar dpal ldan sa skya pa'i gsung ngag slob bshad dang / gser chos bcu gsum/ mgon po che chung sogs snyan brgyud zab mo'i skor rnams rje 'di las gsan pa'i thugs 'dun 'khrungs zhes bka' stsal tshul nges pa can thos pa dang / sgrub brgyud bstan pa'i gtsug rgyan si tur chog sprul rin po che lta bus kyang / rje 'di nyid 'brel tshad don ldan du gzigs pa'i thugs mos chen pos snga phyir skyabs 'jug gi rten ched du 'bul bar mdzad pas mtshon mchog dman bar ma thams cad kyis mgrin gcig tu bsngags pa'i me tog 'thor zhing zang zing gi 'byor pa rgya mtsho'i sprin lta bus mngon par mchod pa dang / lhag par rang nyid brtse chen snying po'i zhabs kyi ring lugs la shes nas dad pa thob pa bzhin du/ ris su med pa'i grub mtha' gzhan la'ang de lta bu'i dag snang phyogs med du rgyas pa sogs rnam par thar pa phyogs gang nas gzhig kyang legs pa 'ba' zhig las skyon gyi rnam pa cung zad kyang mi mnga'/ de ltar na sangs rgyas dngos 'jig rten du byon par snang yang / bdag cag so so skye bo las dang nyon mongs pas bsgribs pa rnams kyis ni so skye rang rgyud par mthong ba 'di ni shin tu 'khrul tshabs che ba zhig go /'ga' zhig rdo rje theg pa la/ /brten nas so thar 'dor byed pa/ /'khyags pa'i steng gi khang pa bzhin/ /