[A:309]mtho yang dma' ba nyid du lhung / /la la theg dman la 'chel nas/ /theg pa chen por mi 'jug pa/ /de dag bud med la sred pas/ /rgyal srid 'byor pa btang ba bzhin/ /'phags rnams sdig pa gzhil ba'i slad/ /dam chos bdud rtsi bsten pa ste/ /kye ma skal ba med rnams kyis/ /chos la brten nas mi dge sgrub/ /mgon khyod de tshul ring dor nas/ /rang srog bas kyang tshul khrims la/ /gces par bsung 'dis nyes spyod rnams/ /khros nas gzhan du song ba snyam/ /tshul khrims dag pa'i lus mchog las/ /dri zhim spos kyi ngad ldang ba/ /'jig rten khams 'dir mchis pa yi/ /spos mchog brgya yis bsgrun du med/ /khyad par byang chub sems dpa' yi/ /sdom pa'i dpung tshogs yan lag bzhis/ /rang don yid byed dgra tshogs kun/ /ming tsam zhig ni lhag mar byas/ /'gro kun snying la bde ster ba'i/ /gzhan phan las 'di bdud rtsi ste/ /tshul min yid byed gcod pa la/ /sog le bas kyang shin tu rtsub/ /mgon khyod ris med 'gro ba la/ /'dod rgu sbyin pa'i dpag bsam shing / /khyad par shin tu nyam thag dang / /gnod byed rnams kyi gnyen bshes yin/ /rig 'dzin sngags kyi sdom pa yi/ /nor bu'i gling du rab zhugs te/ /dran dang shes bzhin chu rgyun gyis/ /spang bya'i dri ma mtha' dag bkrus/ /snang ba lha ru shar ba dang / /rlung sems dbu mar bsdu ba dang / /lta ba 'khor 'das dbyer med kyis/ /sa dang lam gyi rtse mor bgrod/ /ji ltar dwangs pa'i rdzing bu ru/ /kun gyi gzugs brnyan shar ba bzhin/ /sgrib bral ye shes me long du/ /dag pa'i gzugs brnyan ci yang 'char/ /ston dang gnyis min dgra bcom pa'i/ /dgyes